Jyl sońyna deıin elimizdegi hımııa ónerkásibi salasynda jobalyq quny 12,9 mlrd teńgeni quraıtyn 8 kásiporyn paıdalanýǵa beriledi dep josparlanǵan. Bul shamamen 350 jańa jumys ornyn qurýǵa múmkindik beredi, dep habarlaıdy Egemen.kz.
«QazIndustry» AQ Jobalardy iske asyrýǵa monıtorıng júrgizý jáne taldaý dıreksııasynyń habarlaýynsha, jobalardyń ishinde suıyq azot, natrıı pırosýlfıti, hımııalyq reagentter óndiristeri bar. Shyǵarylady dep josparlanǵan ónimderdiń shamamen 70 % - y elimizdiń ishki qajettilikterine baǵyttalady.
Aıta keteıik, bıylǵy jyly osy salada Qazaqstanda 2 hımııalyq kásiporyn iske qosylǵan. Atap aıtsaq, Mańǵystaý oblysynda ammonıı sýlfatyn óndirý jáne Almatyda turmystyq hımııa jáne jeke gıgıena quraldaryn shyǵarý kásiporyndary. Atalǵan jobalarǵa 4,1 mlrd teńge ınvestısııa tartylyp, 36 jańa jumys oryndary qurylǵan.
«Júzege asyrý satysynda quny 790 mlrd teńgeni quraıtyn taǵy 22 joba bar. Olardyń ishinde jasyl sýtegi, ýran totyǵy, lıtıı karbonaty, polıvınılhlorıd, ammonıı paravolframaty jáne basqa da hımııalyq ónimder óndirisi bar. Bul nysandardyń ashylýy 4700 jumys ornyn qurýǵa múmkindik beredi. Jańa kásiporyndar óniminiń 45% - dan astamyn jaqyn jáne alys shetelderge eksporttaý josparlandy. Aldaǵy ýaqytta salada quny 13,4 trln teńge bolatyn 26 myńnan astam jumys ornyn qurýmen 62 joba pysyqtalyp jatyr. Otandyq jáne sheteldik ınvestorlarmen birlesip polıetılen, kalıı tyńaıtqyshtary, ammıak selıtrasy, natrıı sıanıdi jáne hımııa ónerkásibiniń basqa da ónimderin óndirýdi iske qosý josparlandy», dep habarlady О́nerkásip jáne qurylys mınıstrliginiń baspasóz qyzmeti.
Jalpy hımııa ónerkásibi portfelinde barlyǵy 94 joba bar. Olardyń quny 14,2 trln teńgeden asady. Atalǵan jobalardy tolyq iske asyrý kezinde 31,5 myńǵa jýyq jańa jumys orny qurylady.