Prezıdent «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda Salyqtyq ákimshilendirý isinde jazalaý tásilinen bas tartqan abzal ekenin basa aıtty, dep jazady Egemen.kz.
Memleket basshysy bul iste májbúrleý sharalaryn qoldanbaı-aq, habarlama jiberý arqyly óndiriletin salyq beresheginiń joǵarǵy shegin kóterýdi usyndy.
«Al salyq bereshegi osy shekten asyp ketse, qaryz somasy aıasynda ǵana shekteý qoıylýǵa tıis. Iаǵnı, boryshkerdiń banktegi esep-shoty tolyq buǵattalmaıdy. Bereshek somasy tym kóp bolǵan jaǵdaıda, kepilge múlik qoıýdy talap etpeı, qaryzdy bólip tóleýge múmkindik bergen jón. Josparǵa saı tekserý tásilinen birjola bas tartýǵa tyrysý kerek. Ol úshin qaterlerdiń aldyn alý júıesin jetildirý qajet.Salyq jeńildikteriniń tıimdiligin arttyrý ózekti máselege aınaldy. Kásipkerler ózderi paıdalanatyn salyq jeńildikteri boıynsha esep berýge tıis. Bıznesti damytýǵa naqty septigi tıetin jeńildikterdi ǵana qaldyrǵan abzal. Mysaly, óndiristi órkendetemiz degen ınvestorlarǵa artyqshylyq berýge bolady. Iаǵnı, qurylys salýǵa, aktıvterdi satyp alýǵa, jańǵyrtýǵa jáne qaıta qurýǵa bir rettik salyq jeńildigin bergen jón. Tereń óńdelgen ónimdi eksportqa shyǵaratyn kásipkerlerge jeńildikter berý mańyzdy. Olar ózge bızneske qaraǵanda kóbirek qoldaýǵa ıe bolýy kerek», dedi Qasym-Jomart Toqaev.
Joldaýda Prezıdent jańa Salyq kodeksin sapaly ázirleý úshin ony qabyldaý merzimin kelesi jylǵa uzartýdy da quptaıtynyn málimdedi.
«Úkimet pen Parlamentke jańa Salyq kodeksiniń jobasyna qatysty jan-jaqty talqylaý júrgizýdi tapsyramyn. Qıyn bolsa da, durys sheshim qabyldaý qajet. Bul jerde asyǵystyqqa jol berýge bolmaıdy. Jańa Salyq kodeksin sapaly ázirleý úshin ony qabyldaý merzimin kelesi jylǵa aýystyrýǵa bolady dep sanaımyn.Kóleńkeli ekonomıka úlesiniń joǵary deńgeıde qalýy qarjy salasyndaǵy ahýaldy ýshyqtyryp tur. Ony aıtarlyqtaı tómendetý úshin muqııat oılastyrylǵan jan-jaqty sharalar qabyldaǵan jón. Atap aıtqanda, shekaradaǵy keden beketterine qatysty barlyq jumysty tez arada aıaqtaý qajet. Sondaı-aq syrtqy saýda operasııalarynan túsetin kiristiń basqa elderge zańsyz ótip ketýine jol bermeý kerek», dedi Memleket basshysy.