ASTANA. 15 maýsym. Ońtústik Koreıada MERS vırýsynan týǵan qaýip seıilmeı tur. Sońǵy málimetterge qaraǵanda, búginge deıin atalǵan dertten qaza tapqandardyń sany 17-ge jetken. Bul týraly 24.kz habarlady.
Eldiń Densaýlyq saqtaý mınıstrligi taratqan derekterge súıensek, qazirgi kezde qaýipti vırýsty 150 adam juqtyrǵan. Tek sońǵy táýliktiń ózinde 5 turǵynnan indettiń belgileri anyqtaldy. Tótenshe jaǵdaıǵa baılanysty halyqqa karantın rejimin qatań saqtaý týraly eskertildi.
Aıta keteıik, Ońtústik Koreıada koronavırýs keseline shaldyqqan alǵashqy naýqas 20 mamyrda anyqtaldy. Búginde bul indetten qaýiptengen kórshi Japonııa aldyn alý sharalaryn kúsheıtýde.
Aınur Qońqabaeva.
Derek: 24.kz.
Sýret: reuters.com.