О́ńirde turǵyn úı kezeginde turǵan myńdaǵan azamattyń máselesin múmkindiginshe jedeldetip sheshýge basymdyq berilip otyr. Aımaq basshysy Erbol Qarashókeevtiń aıtýynsha, oblys boıynsha jyl basynan beri 355,8 myń sharshy metr turǵyn úı paıdalanýǵa berilgen. Osy jyldyń sońyna deıin bul kórsetkishti 750 myń sharshy metrge jetkizý úshin tıisti jumys atqarylyp jatyr.
Jergilikti atqarýshy bılik aýdan ortalyqtarynda turatyn halyqty pátermen qamtamasyz etý maqsatynda da aýqymdy jumysty qolǵa alǵanyn aıta ketken jón. Máselen, birshama ýaqyt buryn Turar Rysqulov aýdanynyń ortalyǵy Qulan aýylyndaǵy «Araı» shaǵyn aýdanynda kóppáterli turǵyn úı paıdalanýǵa berilip, kezekte turǵan azamattar jańa páterdiń kiltin alyp, marqaıyp qaldy.
Kúni keshe Baızaq aýdanynyń ortalyǵy sanalatyn Sarykemer aýylynda 240 páterli 4 kópqabatty turǵyn úı paıdalanýǵa berildi. Jańa páter ıelerin qýanyshymen quttyqtaı barǵan óńir basshysy Erbol Qarashókeev kezekte turǵan turǵyndardyń baspana máselesin sheshý negizgi mindetterdiń biri ekenin atap ótti. Sondaı-aq ol bul baǵyttaǵy jumys aldaǵy ýaqytta da jalǵasatynyn tilge tıek etti.
«Dál búgin otbasymyzben birge zor qýanyshqa kenelip otyrmyz. On jylǵa jeteǵabyl ýaqyt boıy turǵyn úı kezeginde turdym (Allanyń qalaýymen). Búgin úsh bólmeli páter kiltin alyp, kóńil kókke ushyp, marqaıyp otyrǵan jaıymyz bar. Aýyl halqynyń máselesin sheshýge yqpal etip otyrǵan basshylarǵa aıtar alǵysymyz sheksiz. Bul – kópbalaly otbasylar úshin úlken demeý», deıdi segiz balany tárbıelep otyrǵan ana Naǵıma Edilhanqyzy.
Oblys ákimdiginiń baspasóz qyzmeti keltirgen derekke júginsek, ál-Farabı shaǵyn aýdanynda boı kótergen 4 turǵyn úıde 1 bólmeli – 80, 2 bólmeli – 80, 3 bólmeli 80 páter bar eken. Jergilikti atqarýshy bılik birinshi kezekte kópbalaly, tolyq emes otbasylardyń, sondaı-aq ata-anasynyń qamqorlyǵynan tys qalǵan balalardyń jáne bıýdjettik sala qyzmetkerleriniń ótinishin qanaǵattandyrý týraly sheshim qabyldaǵan.
Jalpy alǵanda, oblys ortalyǵynyń irgesinde ornalasqan Baızaq aýdanynda 3 myńnan astam azamat turǵyn úı kezeginde tur eken. Olardyń máselesin kezeń-kezeńimen sheshý maqsatynda aýqymdy jumys atqarylyp jatyr.
Jergilikti jurtty baspanamen qamtamasyz etý úshin 2023 jyly 4 turǵyn úıdiń qurylys jumysy qolǵa alynsa, osy jyly 120 páter satyp alý kózdelgen. Budan bólek, birneshe jyl buryn aýdandarda bastalǵan «Asarlatyp úı salý» jobasy da toqtamaq emes. Sol joba aıasynda 15 azamatqa baspana salý boıynsha jumys qarqyn alǵan.
«О́ńir halqyn baspanamen qamtamasyz etýdiń mańyzy orasan zor ekeni belgili. Sol úshin de jergilikti atqarýshy bılik ókilderi tynymsyz eńbek etip júr. Qazirgi kezde qurylys jumysy júrgizilip jatqan 2 909 páterli 56 turǵyn úıdiń 51-in osy jyldyń sońyna deıin paıdalanýǵa berýdi josparlap otyrmyz.
Jergilikti jastardyń páterli bolýyna da múmkindikter qarastyrylǵan. «Áýlıeata jastary» baǵdarlamasy osy jyly da jalǵasatynyn aıta ketken jón. Naqtyraq aıtsaq, bıyl 140 jas maman qonystoıyn toılaıdy. О́tken jyly da biraz jas turǵyn úımen qamtylǵan bolatyn.
Oblys boıynsha turǵyn úı qurylysyn júrgizýge, páter satyp alýǵa 40,8 mlrd teńge qarajat qarastyrylǵan. Bul kórsetkish ótken jylmen salystyrǵanda eki esege artyp otyr.
Oblys ortalyǵy Taraz qalasynan bólek, Sarysý, Turar Rysqulov, Shý aýdandarynda 5,9 mlrd teńgege 79 kóppáterli turǵyn úıge kúrdeli jóndeý jumysy júrgiziledi. Túsingenge bul az jumys emes. Kópbalaly otbasylar men halyqtyń áleýmettik osal toptaryn baspanamen qamtý maqsatynda oblys boıynsha 23,5 mlrd teńgege 1 575 páter satyp alýdy josparlap otyrmyz», deıdi óńir basshysy.
Rasynda da, keıingi jyldary kezekte turǵan óńir halqyn baspanamen qamtý baǵytynda aýyz toltyryp aıtarlyqtaı jumystar atqarylyp jatqany kóńil qýantady. Baızaqta bolsyn, qaı jaqta bolsyn, qolǵa alǵan bul jumys ilki sátke de toqtamaq emes.
Jambyl oblysy,
Baızaq aýdany