Jambyl oblysynda qaýipsizdigi barynsha tómen №26 túzeý mekemesinde jazasyn óteýshi áıel zańdy nekege turdy, dep habarlaıdy Egemen.kz.
Aıta ketý kerek, 38 jastaǵy sottalǵan alaıaqtyqpen aınalysqany úshin qylmystyq kodekstiń 190-babynyń 3-bóligi negizinde kináli dep tanylyp, sot úkimimen 4 jyl 6 aıǵa bas bostandyǵynan aıyrylǵan.
«Shynaıy mahabbatqa eshqandaı kedergi joq. Bastysy, júregime jaqyn adamymdy taptym. Súıiktim ekeýmizge otbasyn qurýǵa múmkindik bergen túzeý mekemesiniń ákimshiligine rızashylyǵymdy bildirgim keledi. Kez kelgen adam baqytty bolýǵa laıyqty», deıdi sottalǵan áıel.
Jalpy, búgingi tańda atalǵan mekemede bas-aıaǵy 81 azamat jazasyn ótep jatsa, onyń ishinde áıelderdiń sany – 5 adam.