AQSh-tyń Pýebloda qalasynda bokstan alǵash ret 19 jasqa deıingi bylǵary qolǵap sheberleriniń arasynda álem chempıonaty ótip jatyr, dep jazady Egemen.kz.
Bul birinshilikte álemniń 30 elinen 180 sportshy baq synaıdy.
Jarystyń alǵashqy kúni 70 kelide sharshy alańǵa shyqqan Dıas Serikuly Aljır boksshysynan basym boldy. Básekeniń ekinshi kúni 55 kelide el namysyn qorǵap jatqan Erasyl Amanǵalıev pen Asylhan Kósherbaı (65 keli) chehııalyq qarsylastaryn merziminen buryn jeńdi.
Qazaqstan boks federasııasynyń habarlaýynsha, 85 kelide júldege talasatyn el boksshysy Danııal Raıymbekov jerebe boıynsha birden jartylaı fınalda óner kórsetedi.