О́ńirge sheteldik ınvestorlardy tartý arqyly jańa óndiris oryndaryn qurý jumysy sátimen júzege asyp jatyr. Osy jyly Áýlıeata jerinde sheteldik birneshe kompanııanyń kelýimen jańa zaýyttardyń qurylysy bastaldy. Al birshama ýaqyt buryn bastalǵan keıbir óndiris oshaqtary osy jyly paıdalanýǵa beriledi.
О́ńir basshysy Erbol Qarashókeevtiń basshylyǵymen ózge de ınvestısııalyq jobalar qolǵa alynyp jatyr.
Eki jyl buryn Prezıdent Úkimettiń keńeıtilgen otyrysynda ákimderdiń jyl saıyn ár 10 myń turǵynǵa 100 jańa jumys ornyn qurýy kerektigin shegelep tapsyrǵany belgili. Memleket basshysynyń tapsyrmasyn júzege asyrý maqsatynda óńirde aýqymdy jobalar júzege asyryla bastady. Jambyl oblysynda «Super Pharm» farmasevtıkalyq zaýyty qasynan «Ersad – 2021» zaýyty ashylǵany málim. О́ndiris oshaǵy toqyma emes, materıal óndirýge basa den qoıǵan edi. Atalǵan zaýyt óndiriske qajetti shıkizatty ózderi óndirýge qaýqarly.
О́ńir basshysy Erbol Qarashókeevtiń aıtýynsha, alǵashqy 8 aıdyń bederinde óńirge 247,3 mlrd teńge ınvestısııa tartyldy. Jyl sońyna deıin bul kórsetkishti 702 mlrd teńgege jetkizý josparlanǵan. Sonymen qatar oblystyń ınvestısııalyq qorjynynda jalpy somasy 2,5 trln teńgeni quraıtyn 70 joba bar. Bul jobalar júzege asqan jaǵdaıda 6,3 myń jańa jumys orny qurylmaq. Búgin Qordaı aýdanynda jylyna 1,3 mln tonna sement óńdeýge qaýqarly zaýyttyń qurylys jumysy aıaqtalyp, resmı túrde ashyldy. Sıngapýr kompanııasy qolǵa alǵan óndiris oshaǵy otandyq naryqty qamtyp qana qoımaı, óndirgen ónimdi eksportqa shyǵarýdy, sol arqyly tabysyn eseleýdi josparlap otyr.
Oblys ákimdigi baspasóz qyzmeti keltirgen derekke júginsek, sıngapýrlyq «Alacem» kompanııasy qurylysyn júrgizgen jańa zaýyt Ortalyq Azııadaǵy eń iri óndiris oshaqtarynyń biri ári biregeıi bolmaq. Zamanaýı úlgide salynyp jatqan sement zaýyty qaldyqsyz kásiporyn sanatyna jatady. Jalpy, Qordaı aýdany aýmaǵynan sý jańa sement zaýytyn salý týraly ekijaqty kelisim negizinde Sıngapýr kompanııasy ókilderi qyzyǵýshylyq tanytqan. Ortalyq Azııadaǵy iri óndiris oshaǵyna aınalatyn jańa zaýytqa 50 mlrd teńge kóleminde ınvestısııa tartylǵan.
Jergilikti atqarýshy bılik keltirgen derekke júginsek, búgin ǵana ashylǵan sement zaýyty tolyq qýatynda jumys istegen kezde 400-ge jýyq azamatty jumyspen qamtıdy. Kásiporyn basshylary negizinen jergilikti azamattardy jumyspen qamtýǵa basymdyq beremiz degendi alǵa tartyp otyr.
Qazir zaýyttyń sehtaryn kezeń-kezeńimen iske qosý jumystary júrgizilip jatyr. Kásiporyn basshylary 2025 jyly atalǵan sement zaýytyn tolyq qýatynda jumys istetýdi qolǵa alýǵa bekinip otyr. Atqarylǵan naqty jumystyń nátıjesinde kásiporyn ishki naryqty otandyq ónimmen qamtıdy. Sonymen qatar atalǵan kásiporyn basshylary sement óndirisindegi básekege qabilettilikti arttyryp, ónimdi jýyq arada eksportqa shyǵarýdy da maqsat tutady.
Osy jyldyń 8 aıynyń qorytyndysyna sáıkes, jalpy somasy 139 mlrd teńgeni quraıtyn 12 joba iske qosylǵan. Nátıjesinde, 405 jańa jumys orny qurylǵan. Sondaı-aq bıyl jalpy quny 228,5 mlrd teńgeni quraıtyn 19 jobany iske asyrý kózdelse, joǵaryda jazǵanymyzdaı onyń edáýir bóligi retimen iske asyp jatyr. 19 joba iske qosylǵan jaǵdaıda 1432 jańa jumys orny qurylmaq. Jyl sońyna deıin birqatar iri óndiris orny ashylady dep josparlanǵan. Olardyń qatarynda «Korkem» sement óndirý zaýyty, «Karatau Chemicals» pırosýlfıt óndirý kásiporny sekildi óndiris oryndary bar.
Jambyl oblysy