Elordada LRT jobasyndaǵy negizgi ınfraqurylymdyq nysan – depo qurylysy bastaldy, dep habarlaıdy Egemen.kz.
Nysan halyqaralyq áýejaı mańaıyndaǵy 16,84 ga aýmaqta ornalasady. Depo LRT júıesine tehnıkalyq qyzmet kórsetý men basqarýdyń mańyzdy ortalyǵyna aınalady.
«Depo ǵımarattarynyń jalpy aýdany shamamen 80 myń sharshy metrdi quraıdy. Onda jyljymaly quramǵa tolyqqandy tehnıkalyq qyzmet kórsetý jáne jóndeý úshin qajetti barlyq nysan ornalastyrylady. Keshen vagondardy jýý ǵımaratynan, qosalqy bólshekter men jabdyqtar qoımalarynan, joldardy jóndeýge arnalǵan arnaıy tehnıka, sondaı-aq qyzmetkerlerdi oqytý jáne biliktiligin arttyrýǵa arnalǵan ákimshilik ǵımarattardan turady», delingen ákimdik habarlamasynda.
Sonymen qatar depo aýmaǵynda pılotsyz poıyzdardy basqarý ortalyǵy qurylady. Avtomattandyrylǵan basqarý júıesi qaýipsizdik pen tıimdilikti edáýir arttyrýǵa múmkindik beredi, sondaı-aq iske qosý, tejeý jáne stansııalarda toqtaý sııaqty prosesterdi avtomattandyryp, adamı faktordyń áserin barynsha azaıtady.
«Qurylys tehnologııasyna sáıkes estakadadaǵy negizgi qurylys jumystarynyń aıaqtalýyna baılanysty qysqy kezeńde LRT jobasy boıynsha jumystar depo qurylysyna shoǵyrlanatyn bolady», delingen habarlamada.