Qalamger shyǵarmashylyǵy keńinen nasıhattaldy

Peshenege ja­zyl­ǵan ǵu­my­rynda tý­ǵan jeri Turar Rysqulov aýdanynan irgesin alystatpaǵan qalamger Káripjan Núsiptiń shy­ǵarmashylyǵy da kitaphana qyzmetker­leriniń naza­rynan tys qalǵan joq. Tirisinde «Syrsandyq», «О́mir órnekteri» sekildi jyr-jınaqtarymen oqyr­­man júregine jol tap­qan Kárekeńniń «Bala­larǵa baıǵazy» atty jı­naǵy san túrli janrǵa toly. Bul kitaptaǵy ja­­ńylt­­pashtar, anagram­­malar, jum­baqtar jáne ózge týyn­dylardy jer­gilikti bilim bólimi­niń basshylary mekteptegi balalar­dyń sana­syna sińirýge yqpal etti. Al «О́ner degen ólke bar» atty pro­zalyq jınaǵynda týǵan jerden túlep ush­qan talanttar týraly keńinen tolǵanǵan.

Alataý baýraıyndaǵy Almatyda joǵary bi­lim alsa da, 44 jyl boıy aýdan­­dyq «Qulan tańy» gaze­tinde úzilissiz eń­bek etken qalamger shyǵarma­shy­­lyǵyna arnalǵan «О́ner shyńyn eshbir jan qulata almas» atty po­ezııa keshine aqynnyń jerlesteri, shákirtteri, qalamgerler, baýyrlary, mektep oqýshylary arnaıy qatysty.

Is-shara barysynda sóz alǵan Káripjan Nú­siptiń ul-qyzdary Nur­­­dáýlet Núsipov, Gúl­na­zym Atabaeva, Aı­nazym Na­mazbaeva jáne qaryndasy Nursha Nú­sipova, jergilikti tele­arnanyń ardageri, uzaq jyldar boıy bas rejısser qyzmetin at­qarǵan aqyn­nyń jıe­ni Qarjaýbaı Sydyq­naza­rov, kompozıtor Dúısenáli Byqybaev qalamgerdiń ónegege toly ómiri týraly es­telik aıtty. Alma­tydan jáne ózge óńir­­­ler­den kelgen qa­lam­­ger­ler men Kárekeńniń shá­kirt­te­ri de óz estelik­terimen bó­listi.

Ádebı keshke qalam­gerdiń týǵan jerinen kel­gen Turar Rysqulov aýdan­­dyq mádenıet úıi­niń qyz­metkerleri de atsalysty. О́reli óleń, ádemi ándermen ádip­telgen kesh barysyn­da aqyn­nyń sózine jaz­yl­ǵan «Biz ekeýmiz», «Se­riktesip júreıik» se­kildi shyǵarmalar shyr­qal­dy. Al Álı­han Bó­keı­­hanov atynda­ǵy gım­na­zııanyń oqýshy­lary aqyn óleńderin jatqa oqyp, kópshiliktiń ystyq yqy­lasyna bólendi.

Jambyl oblysy