Oblys ákimdigi mádenıet jáne tilderdi damytý basqarmasyna qarasty kózi kórmeıtin jáne álsiz kóretin azamattar kitaphanasynyń uıymdastyrýymen belgili óner ıeleri arasynda «Saýsaq ushyndaǵy álem» atty oblystyq qolóner jáne maket baıqaýy uıymdastyryldy.
О́ńirdiń qasıetti jerlerin oqyrmandar arasynda keńinen nasıhattaý maqsatynda uıymdastyrylǵan baıqaýǵa 32 úmitker qatysyp, týyndylaryn qazylar alqasynyń qaraýyna usyndy. Belgili qylqalam sheberleri usynǵan jumystardyń arasynda sátti shyqqan dúnıeler jetip- artylady. Sondyqtan da qazylar alqasyna jeńimpazdardy anyqtaý ońaıǵa soqqan joq.
«Kitaphana ujymynyń usynysyn qabyl alǵan kásibı mamandardyń baıqaýǵa belsendilikpen qatysqany úshin alǵysymyz zor. Qazylar alqasynyń qaraýyna usynylǵan týyndylardyń barlyǵy derlik oıdaǵydaı shyqqan.
О́z isin jetik meńgergen azamattardyń qolynan shyqqan týyndylar tańdaı qaqtyrmaı qoımaıdy. Bir sózben aıtqanda, baıqaýǵa qatysqandardyń arasynda myqty básekelestik boldy. Olar týyndylaryn oqyrmandarymyzǵa tartý etti», deıdi oblystyq kózi kórmeıtin jáne álsiz kóretin azamattar kitaphanasy dırektorynyń orynbasary Tolqyn Kúzenova.
Baıqaý qorytyndysynda «Qolóner» atalymy boıynsha Marat Aıdarqulov I orynǵa laıyq dep tanyldy. Al júldeli ekinshi oryn belgili sýretshi Qazym Amanqosovqa buıyrsa, Arýjan Súleımenova úzdik úshtikti qorytyndylady. «Maket» atalymy boıynsha Jambyl Egizekov jeńimpaz atansa, Kamıla Sábıtqyzy men Almat Tynysbek júldeli II jáne III oryndardy ózara bólisti. Jeńimpazdar men júldegerlerdiń barlyǵy baǵaly syılyqtarmen marapattaldy.
Taraz qalasy