El astanasynda Mádenıet jáne aqparat mınıstrliginiń qoldaýymen Qazaq ulttyq óner ýnıversıteti uıymdastyrǵan «Astana Piano Passion» II respýblıkalyq jas pıanıster baıqaýy ótip jatyr.
Shyǵarmashylyq doda ulttyq fortepıano mektebin damytyp, daryndy jas mýzykanttardy qoldaýǵa, sondaı-aq klassıkalyq jáne akademııalyq mýzykany, otandyq kompozıtorlardyń mýzykasyn jáne fortepıanoda oryndaý sheberligin dáripteýge baǵyttalǵan.
Uıymdastyrýshylar qatysýshylardyń oryndaý sheberligin arttyrý, olardyń kásibı damýyna úles qosý jáne halyqaralyq jobalarǵa daıyndyq jasaý sekildi mindetterdi alǵa qoıady. Sonymen qatar is-shara barysynda tárbıeshiler men oqýshylar arasynda tájirıbe almasýǵa da jaǵdaı jasalǵan.
Baıqaýǵa elimizdiń mádenıet jáne óner salasy boıynsha bilim uıymdarynda «Fortepıano» mamandyǵynda oqıtyn 7 jastan 18 jasqa deıingi jas pıanıster qatysa alady. Buǵan deıingi «Astana Piano Passion» baıqaýlarynyń Gran-prı jəne birinshi oryn ıegerleri bul dodaǵa sol jas sanatynda qatysa almaıdy. Baıqaý tórt jas sanaty boıynsha ótedi. Atap aıtsaq, 7–9 jas, 10–12 jas, 13–15 jas jáne 16–18 jas aralyǵyndaǵy ónerpazdar.
Baıqaýdyń birinshi kúni «S» sanatyndaǵy qatysýshylardyń jerebesi men tyńdalymy jáne Qazaqstannyń eńbek sińirgen ártisi A.Tebenıhınniń sheberlik synyby ótti. Konkýrstyń onlaın-translıasııasyn QazUО́Ý-diń YouTube-arnasynan tamashalaýǵa bolady.