Qazaqstannyń 18 jasqa deıingiler arasyndaǵy birinshi raketkasy Ámir Omarhanov juptyq synda AQSh-tyń Florıda shtatynda ótken ITF Juniors J500 Orange Bowl týrnıriniń chempıony atandy, dep habarlaıdy Egemen.kz.
Qazaqstan tennısshisi reseılik Tımofeı Derıpaskomen birge 18 jasqa deıingiler arasynda úzdik atandy.
«Otandasymyz ben Reseı sportshysy fınalda shveısarııalyq Anrı Berno – chehııalyq Denıs Petakpen bas júldeni sarapqa saldy. Omarhanov – Derıpasko kambekpen jeńiske jetti. Esep: 3:6, 6:1, 10:1», dep habarlady Qazaqstan tennıs federasııasy.
Orange Bowl jyl saıyn Planteıshende ótkiziledi. Jarys jasóspirimder arasynda resmı emes álem chempıonaty bolyp esepteledi.