Qostanaı oblysy, Rýdnyı qalasynda belgisiz bireýler birneshe kóliktiń terezesin syndyryp, qashyp ketken, dep jazady Egemen.kz. oblystyq Polısııa departamentine silteme jasap.
Polısııa qyzmetkerleriniń jedel izdestirý sharalarynan keıin beınekameralardyń kómegimen buzaqylyq jasaǵan tórt jasóspirim ustalǵan. Kámelet jasyna tolmaǵan balalaryn túngi ýaqytta qadaǵalamaǵany úshin quqyq buzýshylardyń ata-analary ákimshilik jaýapkershilikke tartylýy múmkin.
«Jasóspirimder kámelet jasyna tolmaǵandyqtan qasaqana jasaǵan áreketteri úshin jaýapkershilikke tartylmaıdy. Biraq bul isti Rýdnyı qalasy ákimdigi janyndaǵy kámeletke tolmaǵandar isteri jónindegi komıssııa qarap, sheshim qabyldaıdy. Balalar ishki ister departamentiniń esebine alynýy múmkin nemese tárbıe jumysyna durys kóńil bólmegeni úshin ata-analary jaýapqa tartylady», delingen vedomstvo habarlamasynda.
Kóligine zaqym kelgen úsh tulǵa polısııaǵa aryz túsirgen. Keltirilgen shyǵyndy kólik ıeleri ózderi baǵalaıdy. Olarǵa azamattyq shyǵyndy óteý úshin sotqa júginý usynylǵan.