Oblystyq tarıhı-ólketaný mýzeıiniń qorynda ár dáýirdiń kózine aınalǵan jádigerler jetkilikti. Olardyń birqatary arheologııalyq qazba jumysy kezinde tabylsa, endigi bir bóligin mýzeıge qala turǵyndary arnaıy tapsyrǵan. О́lkeniń ǵana emes, tutas túrkiniń tarıhynan syr shertetin qundylyqtar qaı kezde de jergilikti turǵyndardy beıjaı qaldyrǵan emes.
Kerek derekke júginsek, mórjúzik – bılik úshin mańyzdy nyshannyń biri bolǵan. San túrli oıý-órnekpen ádiptelgen jádigerlerdegi beınelerdiń ártúrli maǵynasy, máni bar. Ejelgi túrkilerdiń tanym-túsinigende mórjúzik kıeli metall sanalatyn kúmisten jasalady eken. Qasıetti qundylyqqa telingen jádigerdiń biri oblystyq tarıhı-ólketaný mýzeıiniń qorynda saqtaýly tur.
«Bizdiń mýzeıde ár ǵasyrdyń kýásindeı bolǵan qundy jádigerler jetkilikti. Tarıhı derekke júginsek, mórjúzik baıyrǵy túrkilerdiń tanymynda aspan metaly sanalatyn kúmispen ádipteledi eken. Mamandardyń aıtýynsha, jádigerdi saqtaýǵa arnalǵan arnaıy aǵash qorap bar kórinedi. Olar arqardyń múıizinen jasalǵan desedi. Mórjúzikterdiń basym kópshiliginde arab tilindegi sózder jazylǵan. Munyń bári sol kezeńdegi tanym men tarıhtan, dinı ustanym men dástúrden syr shertip tur dep paıymdaýǵa bolady», deıdi oblystyq tarıhı-ólketaný mýzeıiniń qyzmetkeri Laýra Baıtursynova.
Mýzeı mamanynyń aıtýynsha, qorda saqtaýly turǵan qundy jádigerdiń kólemi 3 santımetrdi quraıdy. Pishini tórtburysh tárizdi mórjúzik mýzeıge 1974 jyly tabystalypty. Taraz qalasynyń turǵyndarynyń biri jeke jer ýchaskesin qazyp jatqan kezde mórjúzikti taýyp alǵan. Ol jádigerdi óz úıinde saqtamaı, oblystyq tarıhı-ólketaný mýzeıiniń qoryna tapsyrýdy jón dep tapqan kórinedi.
Taraz