Qasym-Jomart Toqaev Astanaǵa resmı saparmen kelgen Tájikstannyń Syrtqy ister mınıstri Sırodjıddın Mýhrıddındi qabyldady, dep habarlaıdy Egemen.kz Aqordanyń baspasóz qyzmetine silteme jasap.
Kezdesýde Prezıdent Qazaqstan men Tájikstan arasyndaǵy qarym-qatynas barlyq baǵyt boıynsha oń qarqynmen damyp kele jatqanyn atap ótip, strategııalyq seriktestikti odan ári nyǵaıtýdyń máni zor ekenin aıtty.Memleket basshysy byltyr qol qoıylǵan Odaqtastyq qatynastar týraly shart Astana men Dýshanbeniń san qyrly jáne tabysty yntymaqtastyǵynyń mańyzdy kezeńi bolǵanyn eske saldy.
«Biz Tájikstanmen dostyqqa qurylǵan qatynastardy joǵary baǵalaımyz. Eki eldiń arasynda sheshimin tappaǵan eshqandaı másele joq. Qazaqstan jurtshylyǵy baýyrlas tájik halqyna erekshe yqylas tanytady. Elderimiz árdaıym bir-birine qoldaý kórsetip keledi. Bul ekijaqty baılanysty belsendi damytýǵa umtylysymyzdan da baıqalady», dedi Prezıdent.Qasym-Jomart Toqaev Tájikstan Prezıdenti Emomalı Rahmonnyń qazaq-tájik yntymaqtastyǵyn arttyrýǵa qosqan teńdessiz úlesine aıryqsha nazar aýdardy.