ULTTYQ BAIаNDAMA TABYSTY QORǴALDY

24 maýsymda Ádilet mınıstrliginde ótkizilgen baspasóz máslıhatynda BUU-nyń Adam quqyqtary jónindegi keńesiniń 14-shi sessııasy aıasynda Qazaqstannyń ulttyq baıandamasyn qorǵaýynyń qorytyndysy shyǵaryldy. Baspasóz máslıhatyna Máde­nıet vıse-mınıstri Ǵ.Telebaev, Prezıdent janyndaǵy Adam qu­qyq­tary jónindegi komıssııanyń hat­shysy T.Ábishev, Aqparat jáne muraǵat komıtetiniń tóraǵasy B.Ber­sebaev, sondaı-aq Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń, Qazaqstan Respýblıkasynyń Adam quqyqtary jónindegi ulttyq orta­lyǵynyń ókilderi, t.b. qatysty. Ádilet mınıstrliginiń jaýapty hatshysy M.Beketaevtyń sózinde atap ótilgenindeı, buǵan deıin, ústimizdegi jyldyń 12 aqpanynda Premer-Mınıstrdiń orynbasary Erbol Orynbaev bastaǵan qazaq­stan­dyq delegasııa Jenevada ult­tyq baıandamany tabysty qorǵaǵan bolatyn. Qazaqstan baıandamasyna mundaı baǵany qorǵaýǵa qatysqan BUU-ǵa múshe memleketter dele­ga­sııalary, Qazaqstannyń úkimettik emes uıymdary, sondaı-aq táýelsiz sarapshylar bergen-tin. BUU-ǵa usynylǵan ulttyq baıan­dama Qazaqstannyń adam qu­qyn qorǵaý men yntalandyrý sa­la­synda qol jetkizgen tabystaryn aıǵaqtap berdi. Mundaı tabystar elimizde júrgizilip kele jatqan ultaralyq jáne konfessııaaralyq kelisimdi qamtamasyz etý jónindegi saıasat, ana men bala jaǵdaıyn jaq­sartý boıynsha jasalyp jatqan naqty qadamdar nátıjesinde múmkin boldy. Jenevada sondaı-aq Otanymyzda júzege asyrylý ústin­degi Adam quqy salasyndaǵy 2009-2012 jyldarǵa arnalǵan ulttyq is-qımyl jospary men 2010-2020 jyl­darǵa arnalǵan quqyqtyq saıa­sat tujyrymdamasy oń baǵalandy. Ústimizdegi jyldyń 9 maýsy­myn­da Qazaqstannyń adam quqyq­tary jónindegi ámbebap merzimdik sholýy bekitildi. Qazaqstan boıynsha sholý aıa­synda BUU-nyń 54 memleketi ústimizdegi jyldyń aqpanyndaǵy ınteraktıvti únqatysý barysynda elimizdegi túrli adam quqyn qorǵaý jáne bostandyǵy aspektilerine qatysty 128 usynymdama usyndy, dep habarlady Ádilet mınıstr­liginiń baspasóz qyzmeti.