Memleket basshysynyń Jarlyǵymen Qazaqstan Respýblıkasynyń syrtqy saıasatyn júzege asyrýǵa, shet memlekettermen dostyq qarym-qatynastardyń ornatylýy men damýyna qosqan eleýli úlesi úshin memleket qaıratkeri, dıplomatııalyq qyzmet ardageri Tileýhan Qabdrahmanov I dárejeli «Dostyq» ordenimen nagradtaldy, dep habarlaıdy Egemen.kz Aqordanyń baspasóz qyzmetine silteme jasap.
Tileýhan Qabdrahmanov 1945 jyldyń 29 sáýirinde qazirgi Abaı oblysy, Jańasemeı aýdany, Tereńqudyq aýylynda dúnıege kelgen.
1973 jyly Patrıs Lýmýmba atyndaǵy Halyqtar Dostyǵy Ýnıversıtetiniń «ekonomıka jáne halyq sharýashylyǵyn josparlaý» mamandyǵy boıynsha Ekonomıka jáne quqyq fakýltetin támamdaǵan.
1991 jyly KSRO Mınıstrler Keńesi janyndaǵy Halyq Sharýashylyǵy Akademııasyn ekonomıkalyq basqarý ádisteri boıynsha jetekshi maman mamandyǵy boıynsha bitirgen. Eńbek jolyn 1963 jyly Novgorod televızııalyq zaýytynda slesar-jınaýshy bolyp bastaǵan.
1973-1978 jyldary-ınjener-ekonomıst, Qazaq KSR Memlekettik josparynyń bas mamany.
1978-1990 jyldary-Qazaq KSR Memlekettik Jospary bóliminiń bastyǵy.
1990-1991 jyldary-Qazaq KSR ekonomıka jónindegi memlekettik komıteti tóraǵasynyń birinshi orynbasary.
1991-1993 jyldary-Qazaqstan Respýblıkasy Ekonomıka jónindegi memlekettik komıtetiniń tóraǵasy, Qazaqstan Respýblıkasy Úkimetiniń múshesi.
1993-1996 jyldary - Qazaqstan Respýblıkasynyń Fransııa Respýblıkasyndaǵy Tótenshe jáne О́kiletti Elshisi;Qazaqstan Respýblıkasynyń IýNESKO janyndaǵy Turaqty ókili.
1996-2003 jyldary-Qazaqstan Respýblıkasynyń Japonııadaǵy Tótenshe jáne О́kiletti Elshisi.
2003-2006 jyldary-QR О́zbekstan Respýblıkasyndaǵy Tótenshe jáne О́kiletti Elshisi.
2006-2008 jyldary-QR Lıtva Respýblıkasyndaǵy Tótenshe jáne О́kiletti Elshisi.
2006-2008 jyldary-Qazaqstan Respýblıkasynyń Latvııa Respýblıkasyndaǵy, Estonııa Respýblıkasyndaǵy Tótenshe jáne О́kiletti Elshisi qyzmetin atqarǵan.