Jalpyrespýblıkalyq «Birlik júgirisi» jarysyna óńirdegi etnomádenı birlestikterdiń ókilderi, Qazaqstan halqy Assambleıasynyń músheleri, oqýshylar, stýdentter, kýrsanttar, sportshylar, ardagerler, oblystyń belsendi turǵyndary – uzyn sany myńǵa jýyq adam qatysty, dep habarlaıdy Egemen.kz
Merekelik jarystyń ashylý saltanatytańerteń Tobyl jaǵalaýyndaǵy alańda ótti. Is-shara barysynda áýeli Memlekettik Gımn oryndaldy. Odan keıin oblystyq qoǵamdyq damý basqarmasy basshysynyń mindetin atqarýshy Dınara Qarymsaqova kópshilikke quttyqtaý sózin arnady.
«Búgingi is sharanyń ereshke máni bar. Búgin biz bir halyq, bir komanda bolyp beıbitshiliktiń, kelisim men ózara yntymaqtastyqtyń jolymen júgirip ótemiz. Bul, ásirese, bizdiń Qostanaı oblysynda erekshe mańyzǵa ıe. Bizdiń óńirdetatýlyq pen dostyqty tý etken 50-den astam etnos ókilderi ómir súrip jatyr. Assambleıa otyz jyl boıy birlik pen kelisimdi nyǵaıtýǵa zor úles qosyp keledi. Búgingi is-shara – osynyń jarqyn dáleli. Munda túrli etnomádenı birlestikterdiń ókilderi, jastar, sportshylar men qala turǵyndary jınaldy. Barshamyzdy biriktiretin ortaq dúnıe bar. Ol – Otanǵa degen mahabbat, bir-birimizge degen qurmet, ynytmaq-birlikke degen umtylys», dedi Dınara Qarymsaqova.
Quttyqtaý lebizin odan ári QHA múshesi, sport ardageri Qalqaman Jaqyp jalǵady. Odan keıin tóreshi Qurmanaı Esirkepov jınalǵandarǵa jarystyń baǵdarlamasy men erejesi túsindirip ótti.
Jarys barysynda ınklıýzıvti sportshylar 500 metrge, jasóspirimder 1,1 km, 16 jastan asqansportshylar 8 shaqyrym qashyqtyqqa júgirdi.
«Birlik júgirisi» tek Qostanaıda ǵana emes, sondaı-aq Rýdnyı, Tobyl, Jitiqara, Lısakov, Arqalyq qalalary men barlyq aýdan ortalyqtarynda ótkenin aıta ketken jón.
Uıymdastyrýshylardyń aıtýynsha, mundaı is-sharalardy eldiń birligin nyǵaıtyp, yntymaǵy jarasqan jurtty jańa jetistikterge jeteleıtin ıgidástúrge aınaldyrý mańyzdy.