Jańartylǵan zaýyt iske qosyldy

О́ńir ǵana emes, el boıynsha mańyzdy Aqtaý bıtým zaýytyn jańǵyrtý jobasy Memleket basshysy Qasym-Jomart Toqaevtyń tapsyrmasy bo­ıynsha iske asyryldy. Bas merdiger «CITIC Construction» kompanııasy jumysty 2024 jyldyń qara­sha aıynda bastaǵan bolatyn. Utymdy uıym­dastyrý nátıjesinde, ıaǵnı 230-ǵa tar­ta ma­mannyń jumylýymen qurylys-mon­taj­daý jumysyn táýlik boıy tıimdi júr­gizip, belgilengen merzimnen bir aı buryn aıaqtady.

Jańǵyrtý nátıjesinde munaı óńdeý zaýytynyń jyldyq qýaty 1 mln tonnadan 1,5 mln tonnaǵa deıin, al bıtým óndirisi 500 myń tonnadan 750 myń tonnaǵa deıin ulǵaıdy. Joba basty tehnologııalyq jabdyq sanalatyn ELOÝ-AVT – munaıdy bastapqy óńdeý qondyrǵysyn jańartýǵa baǵyttalǵan bolatyn. Jobanyń negizgi jáne tehnıkalyq jaǵynan eń kúrdeli jumysynyń biri – bıiktigi 40 metrge jýyq 140 tonnalyq jańa vakýýmdyq baǵanany ornatý boldy.

Jańǵyrtylǵan Aqtaý bıtým zaýytynyń ashylý saltanatyna Mańǵystaý oblysynyń ákimi Nurdáýlet Qılybaı, «Samuryq-Qazyna» AQ strategııa jáne aktıvterdi basqarý boıynsha teń basqarýshy dırektory Baqytjan Taýbaev, Energetıka mınıstrliginiń munaı tasymaldaý jáne óńdeý departamentiniń dırektory Dáýlet Aryqbaev, «QazMunaıGaz» UK» AQ munaı óńdeý jáne munaı hımııasy departamentiniń dırektory Saıataı Álipbaev, sondaı-aq «CITIC Group» jáne «CITIC Construction» ókilderi qatysty.

О́ńir basshysy N.Qıly­baıdyń aıtýynsha, «Caspi Bitum» zaýytyn tabysty jańǵyrtý – «QazMunaıGaz» ben «CITIC Group» arasyndaǵy tıimdi stra­­tegııalyq seriktestiktiń nátıjesi. Sondaı-aq jobanyń elimiz úshin strategııalyq ma­ńyzy zor. Endi jańartylǵan zaýyt ishki naryqtaǵy suranysty ótep jáne ımportqa táýeldilikti azaıta otyryp, sapasy joǵary otandyq bıtýmmen turaqty qamtamasyz ete alatyn bolady.

Bul – elimiz boıynsha erekshe mańyzǵa ıe ınfraqurylymdyq jobalardyń biri. Jańǵyrtýdan soń jańa tynyspen jumys isteı bastaıtyn zaýyt ishki jáne syrtqy naryqta ózindik suranysqa ıe ónimderiniń qýa­tyn arttyra túsedi.

Mańǵystaý oblysy