Qostanaıda stýdent jastardyń dástúrli merekesi – «Stýdent kóktemi - 2025» festıvaliniń saltanatty ashylý rásimi ótti. Qostanaı, Arqalyq, Rýdnyı qalalarynan kelgen JOO stýdentteriniń basyn qosqan is-shara aıasynda óner, bilim, sport jarystary uıymdastyrylady.
Saltanatty jıynda stýdentterdi oblys ákimniń orynbasary Baqytjan Narymbetov quttyqtady.
«Búgingi kóktemniń erekshe merekesimen shyn júrekten quttyqtaımyn. О́ńirimizdiń eń úzdik jastary osy jerde bas qosyp otyr. Aldaǵy komandalyq jarystarda barshańyzǵa sáttilik tileımin», – dedi B.Narymbetov.
Festıvaldiń alǵashqy kúni voleıbol, basketbol, shaǵyn-fýtboldan jarys ótti. Keshkilik Tobyl jaǵalaýyndaǵy Trıatlon saıabaǵynda zııatkerlik oıyn, pikirsaıys týrnıri bastaldy.
Sport jarystarynyń qorytyndysy 22 mamyr kúni belgili bolady. Sondaı-aq, erteń 12:00-de Qostanaı áleýmettik-tehnıkalyq ýnıversıtetiniń Stýdentter saraıynda gala-konsert ótedi dep josparlanǵan. Merekelik konsertten keıin festıval jeńimpazdaryn marapattaý rásimi ótedi.
Qostanaı oblysy