Aqjaıyq aýdanyna qarasty Kónekketken aýylynda feldsherlik-akýsherlik pýnkt ashylyp, turǵyndardy qabyldaı bastady.
«Feldsherlik-akýsherlik pýnkttiń ashylýy – qýanyshty ári mańyzdy oqıǵa. Bul – Memleket basshysynyń tapsyrmasyna sáıkes aýyl turǵyndarynyń densaýlyǵyn jaqsartýǵa baǵyttalǵan júıeli jumystyń, «Aýylda densaýlyq saqtaýdy jańǵyrtý» ulttyq jobasynyń naqty nátıjesi», dedi aýyl halqynyń qýanyshyna ortaqtasa kelgen oblys ákimi Narıman Tóreǵalıev.
Medısınalyq nysannyń aýmaǵy – 260 sharshy metr. Kúnine 40 adamdy qabyldaýǵa qaýqarly pýnkttiń jobalyq quny – 207 mıllıon teńge. «Jıenbaı» JShS qurylysty sapaly júrgizip shyqqan.
Kónekketken aýyly Jaıyq ózeniniń sol jaǵynda ornalasqan, gaz, sý, jol sııaqty ıgilik keshigip jetetin aýyldyń biri. Birneshe jyldan beri salynyp jatqan «Barbastaý – Aqjaıyq – Inder» avtojoly qazir Esensaı aýylyna jaqyndap qaldy. Avtojoldyń 93 shaqyrymynan bastap Esensaı aýylyna deıingi 52 shaqyrymyna bıyl asfalt tóselse, Kónekketken aýyldyq okrýgi aýmaǵy tolyq asfaltpen qamtylady. Kóktemde, kúzde, jaýyn-shashyn ýaqytynda jol azabyn tartatyn turǵyndar úshin bul – úlken jetistik. О́ńir basshysy osy saparynda avtojoldan Kónekketken, Qamystykól aýyldaryna burylatyn kireberis joldar da jóndeletinin aıtyp, kópshilikti qýantyp tastady.
Bıyl Kónekketken aýylynda qurylys jumysy qarqyndy júrip jatyr. Qazir 100 oryndyq mádenıet úıiniń qabyrǵasy qalanyp tur. Qurylysshylar ákimge bergen ýádesinde tursa, ishki árleý jumysy jyldam aıaqtalyp, qyrkúıektiń basynda aýylda jańa mádenıet úıi de ashylýǵa tıis. Budan bólek, turǵyn úı-kommýnaldyq ınfraqurylymdy damytýdyń 2023–2029 jyldarǵa arnalǵan tujyrymdamasy aıasynda 2 páterli 2 turǵyn úı salynyp jatyr. Aýdan ákimi Murat Serdalın turǵyn úıler maýsym-shilde aılarynda aıaqtalyp, áleýmettik jaǵynan álsiz toptaǵy azamattarǵa kezek boıynsha beriletinin málim etti.
Aıta keteıik, 2023–2025 jyldary Batys Qazaqstan oblysynda 50 jańa medısınalyq nysan salý kózdelgen bolsa, sonyń 39-y búginde iske qosyldy.
Batys Qazaqstan oblysy