Soltústik Qazaqstan oblysynyń birneshe turǵyny aı bastalǵannan bergi bir aptanyń ishinde ǵana alaıaqtardyń arbaýyna túsip, 13 mln teńge aqshalarynan aırylǵan, dep habarlaıdy Egemen.kz.
Sonyń ishinde Petropavldyń 25 jastaǵy turǵynyna alaıaqtar WhatsApp arqyly habarlasyp, ózderin «Qazposhta» qyzmetkerimiz dep tanystyryp, sálemdeme jetkizilýin rastaý úshin kelgen SMS-kodty aıtýyn suraǵan. Osy kodty alǵan soń «bank qyzmetkerimiz» dep, onyń atyna nesıe resimdelip jatqanyn aıtyp shoshytyp, birneshe banktiń qosymshalaryn júkteýge jáne onlaın nesıe resimdeýge kóndirgen.
Nátıjesinde alaıaqtardyń shotyna jigittiń 2,4 mln teńgesi aýdarylǵan. Al Aıyrtaý aýdanynyń 69 jastaǵy turǵynynan ózderi jibergen kodty qaıtalatqan soń «vırýsqa qarsy baǵdarlama» degen qosymshany júktetip, esepshotyndaǵy 4,2 mln teńgesin qaǵyp ketken.
Al Petropavldyń 37 jastaǵy turǵyny tipti sorlap qalǵan. Alaıaqtar onyń 6,5 mln teńgesin qaqshyp ketken. Polısııa jurttyń bárine jiberilgen SMS-kodty qaıtalap jibermeńizder dep qatty eskertýde.
PETROPAVL