Aqmola oblysynda «Qarasora-2025» jedel-aldyn alý is-sharasy aıasynda polıseıler 38 jastaǵy qurylysshyny esirtki zattaryn zańsyz satty degen kúdikpen ustady, dep habarlaıdy Egemen.kz.
Polısııa departamentiniń málimetinshe, kúdiktini ustaý arnaıy operasııa barysynda júzege asqan. Is-sharaǵa qylmystyq polısııa qyzmetkerleri, aýdandyq UQK bólimshesi, prokýratýra, arnaıy jasaq jáne 5510 áskerı bóliminiń kınology qatysqan.
Kúdikti qurylys alańynda jumys ornynda qolǵa túsken. Ol tyıym salynǵan zat salynǵan oramany satyp alýshyǵa tapsyrǵan sátte ustaldy. Saraptama nátıjesi oram ishindegi zattyń keptirilgen marıhýana ekenin rastady.
Turǵylyqty mekenjaı boıynsha júrgizilgen tintý kezinde sharýashylyq qurylys ishinen birneshe orama tabylyp, tárkilengen. Tárkilengen marıhýananyń jalpy salmaǵy 258,1 grammdy quraıdy. Barlyq zattar saraptamaǵa jiberilip, olardyń esirtkilik qasıeti rastaldy.
Kúdikti óz kinásin tolyq moıyndady. Oǵan qatysty Qylmystyq kodekstiń 297-baby 2-bóligi boıynsha (esirtki quraldaryn satý maqsatynda zańsyz saqtaý, tasymaldaý nemese ótkizý) qylmystyq is qozǵaldy. Qazirgi tańda ol ýaqytsha ustaý ızolıatoryna qamaldy.