Endi ózimizdiń otandyq jasandy ıntellekt júıelerimiz bar. Olar bizdi «ChatGPT»-den qaraǵanda jaqsyraq túsinedi. О́ıtkeni ázirleýshiler jasandy ıntellektiniń janyna qazaqy bolmysty sińirip, ulttyq derekqormen oqytqan.
«Nazarbayev University» janyndaǵy Aqyldy Júıeler men Jasandy ıntellekt ınstıtýty (ISSAI) otandyq ınjenerler ázirlegen jańa býyn jasandy ıntellekt júıelerin tanystyrdy. Olardyń basty artyqshylyǵy – qazaq tilin sheteldik balamalarǵa qaraǵanda tereń túsinip, anaǵurlym dál óńdeı alatynynda. Júıeler qazaqsha sóılem qurylymyn, tildik erekshelikterin, dıalektıkasyn, tipti mádenı konteksti de eskerip, mátinniń maǵynasyn saqtaı otyryp jaýap beredi.
«ISSAI» ınjenerleri 5 túrli jasandy ıntellekt jasaǵan. Birinshisi – «Oylan 2.5». Bul júıe kez kelgen suraǵyńyzǵa jaýap bere alady. Tipti aýdıo habarlamalardy qabyldap, óńdeý fýnksııasy bar. Budan bólek, «ISSAI» usynǵan «MangiSoz 2.0» júıesi sóıleýdi taný, dybystaý, aýdarý qyzmetin atqarady. Al «TilSync» júıesi ilespe aýdarma jasaıdy. Júıe ártúrli vıdeokonferensııalarda túrli tilder arasynda tikeleı aýdarma jasap, aqparat almasýdy jeńildetedi. Taǵy bir tyń sheshim – «Beynele» jasandy ıntellekti. Ol tek qazaqy naqyshta sýret salady. Osy júıelerdiń negizi – «Mangitas 02» atty otandyq ınferens serveri. Bul – sheteldik bulttyq júıelerden táýelsiz, qaýipsiz, jergilikti málimettermen jumys isteıtin JI server. «ISSAI» bas dırektory Hýseın Atakan Varoldyń aıtýynsha, bul – tek tehnologııalyq emes, mádenı jetistik.