UFC-diń tanymal jaýyngeri Shavkat Rahmonovtyń jubaıy kólik tizginine ıe bola almaı apatqa ushyraǵan. Jol-kólik oqıǵasy 25 shilde Almaty - Ekaterınbýrg tas jolynyń 296-shaqyrymynda bolǵan, dep jazady Egemen.kz.
Gúlaıym Rahmonova júrgizgen Toyota Land Cruiser kóliginde 3 jasar balasy men taǵy eki adam bolǵan. BAQ-taǵy aqparat boıynsha olar Qaraǵandydan Almatyǵa bet alǵan.
Apat saldarynan 39 jastaǵy jolaýshy Z.A oqıǵa ornynda kóz jumsa, 35 jastaǵy A.S Moıynqum aýdandyq aýrýhanasyna aparar jolda jan tapsyrǵan.
Al Shavkat Rahmonovtyń jubaıy men 2022 jyly týǵan balasy Shý aýdandyq aýrýhanasyna jetkizilgen. Medısına mamandary olardyń densaýlyq jaǵdaıyn ortasha aýyr, turaqty dep habarlady. G.Rahmonova men balaǵa hırýrgııalyq operasııa jasaýdyń qajeti bolmaǵan. Qazir naýqastar travmotolııa bólimine jatqyzylyp, dárigerlerdiń baqylaýyna alynǵan.
Polıseıler QR Qylmystyq kodeksiniń 345-baby «abaısyzda eki nemese odan da kóp adamnyń ólimine ákep soqqan jol qozǵalysy erejesin buzý» boıynsha sotqa deıingi tergeý amaldaryn bastaǵan. Oqıǵanyń mán-jaıy tergeý múddesi úshin ázirge jarııalanbaǵan.
Aıta keteıik, Shavkat Rahmonov 27 shilde kúni Abý-Dabıde UFC on ABC 9 týrnırinde jeńiske jetken Asý Almabaevtyń jekpe-jeginde boı kórsetip, sekýndant bolǵan edi.