ULTYMYZDYŃ USTYNY, HALQYMYZDYŃ QUTY

Jer júzinde irili-usaqty 3 myńdaı halyq, 222 memleket ómir súrip jatyr. Biz, jumyr jerdiń jumyr basty adamdary, sol myńdaǵan halyqtardyń barlyǵyn birdeı tústep tanı bermeımiz, olar kóp. Memleketterdi de minsiz móldiretip tizip shyǵý ońaı is emes. Degenmen, halqynyń eńbekker­ligimen, ultynyń ónerimen, shalqar jerimen, dana is-áreketimen, baýyr­mashyl hám meımandostyǵy­men óziniń ulttyq ataýyn úsh násil­diń bar ul-qyzdaryna ózderi­niń tilinde aıtqyza alǵan ulttar men elder bar. Qytaı, úndi, orys, aǵyl­shyn, ıspan, fransýz, nemis, túrik deseńiz – bul memleketterdi jer júzi bile beredi. Qazirde bizdiń qasıetti Otany­myz – súıikti Qazaqstanymyzdy da jer júzi bilip jatyr. “Qazaqstan” deseńiz, sheteldik suhbattasyńyz­dyń júzi jylyp, kózi kúlimdep, biz týraly biletinin bildirgisi kep bir kósh jerge deıin kósilip ketedi. Sonda olar ne deıdi? Jerlerińiz keń. Jer qoınaý­laryńyz baı. Munaı. Bıdaı. Metall. Qazaq halqy qandaıda bir ulystarǵa bol­masyn ákelik-analyq meıirimin tóge­di. “Ies!”, deıdi. Baıqońyr – kosmodrom, Semeı – jabylǵan atompolıgon, Qazaqstan – EQYU, HHI ǵasyrda asqaqtatyp Astana sal­dyńyzdar, sizderge adamzat bala­­synyń teń jartysy pir tuta­tyn Rım Papasynyń ózi kelip, Qazaq­stanǵa oń batasyn berdi. Ja­pon balasy qazaq tilinde tele­habar júrgizdi, qara tústiniń balasy dom­byra tartyp, qazaqsha án saldy, deıdi! BUU-nyń álemge at ústinen qaraıtyn kánigi parlamentarııleri óz qatarlaryna eldiń sońyn ala kirip, lezde tórine ozǵan qazaqtyń er balasy, bel balasy Nursultan Nazarbaevtyń qaıratty isine qyzy­ǵyp, salıqaly da parasatty sózine qulaq qoıǵan zamandy kór­dik, osyndaı keremet haldi basy­myzdan keship otyrmyz. Jer júzi Elba­symyzdy tanyp, ony “Nur­sultan Ábishuly” dep námimen atap, atyn jattap otyrǵan búgingi kúnimiz Qazaq­stannyń Jer sharyn­daǵy qaraqurym memleketterdiń ara­syn­daǵy ataýly memlekettermen bir qatarda turǵan asqaq shaǵy dep túsinemiz, solaı sezinemiz. Germa­nııada Keln-Bonn áýejaıynda keden ofıseri meniń qazaqstandyq pas­portymdy tekserip bolyp, be­time qarap: “Nazar­baev?..” dep sura­dy. Men: “Iá, Nazarbaev!” dedim maq­­tanysh­pen. Ol – Qazaq­pyn, Qazaq­stan­nanmyn!” degenim bolatyn. Prezıdent Nazarbaev – ulty­myz­dyń ustyny, halqymyzdyń quty men aıbyny, jańa tarıhy­myzdyń avtory, ulttyq biraýyz­dylyqtyń tini. Syrt elder qazaqty Nazarbaev­qa qarap tanıdy. Onyń qazaqy beınesi sheteldikterdi Qazaqstanǵa ish tartqyzyp, onymen dostyq, eko­nomıkalyq, mádenı qarym-qatynastar ornatýǵa, el men jerdi gúldendirýge umtyldyrady. Prezı­dentimizdiń bitim-bolmysynan jat jurt qazaq ultynyń ózine tán, qapelimde baıqala bermeıtin myń­daǵan ulttyq názik reńkterin tanyp bile túsken saıyn qazaqtardy jaqsy kórgen ústine jaqsy kóre túsedi. Netken qonaqjaı halyq dese­di, dástúri qandaı, saıasatker de, saıatker de, shabandoz da osy halyq! Tarıhy tereń, halyq bıli­giniń bıler salǵan demokratııalyq úlgisi qandaı, ejelden-aq “Jeti Jarǵysy” bolǵan toqtamdy el eken, sondaı beıbit halyq búginde jańarǵan álemniń jańasha aǵymyna da ilese ózgerip, yǵyna beıim­dele alyp, Nazarbaevtyń basshy­lyǵymen nanotehnologııany da meńgerýge kóshken! Eshqashan kóshten qalmaǵan halyqpyz biz! Ár dáýirde kóshbas­shy kósemderimiz boldy. Biz ult kósemderin tyńdap, ulan-ǵaıyr jer men uıyǵan ultqa ıe bolyp qala aldyq. Búgin de solaı. Tuńǵysh Pre­­zı­dent – Elbasy Nursultan Nazar­baevtyń basshylyǵymen Qazaqstan jańa bıikterge qaraı umtylýda. Astana kúni, ıaǵnı aımańdaı alyp­tyń týǵan kúni qutty bolsyn! Dosymjan TО́LEÝISh, Jambyl oblystyq kásipodaqtar keńesiniń qyzmetkeri.