Ǵalymdardyń aıtýynsha, Jerdiń óz osinen aınalý jyldamdyǵy birtindep baıaýlap jatyr. Bul qubylys birden biline qoımasa da, onyń áseri uzaq ýaqyttan keıin anyq seziledi.
Máselen, bir ǵasyr ótken saıyn táýliktiń uzaqtyǵy orta eseppen 1,8 sekýndqa artyp otyrady. Búgingi kúnniń uzaqtyǵy – 24 saǵat bolsa, shamamen 600 mıllıon jyl buryn bir táýlik 21 saǵatqa teńesipti. Ǵalymdar bul ózgeristi Aıdyń tartylys kúshimen baılanystyrady. Aı Jerge gravıtasııalyq áser etip, teńizder men muhıttarda tolqyn týdyrady. Sol tolqyndar Jerdiń aınalýyn az da bolsa tejep, jyldar ótken saıyn táýliktiń uzaqtyǵyn arttyra beredi.