Qaraǵandy oblysynda prokýratýranyń aralasýymen uzaq ýaqyt boıy kezekte turǵan 298 azamat baspanaly boldy. Onyń ishinde 82 páterdi jetim balalar ıelendi, dep habarlaıdy Egemen.kz.
Qaraǵandy oblysynyń prokýratýrasy azamattardyń áleýmettik osal sanattary úshin turǵyn úı qurylysynyń jáne jalǵa beriletin páterlerdi satyp alý zańdylyǵyn tekserdi. Qadaǵalaý sharalary barysynda birqatar zań buzýshylyqtary anyqtalypty.
«Tekserý nátıjesinde sapasy sáıkes kelmeıtin páterler satyp alynyp, olardy bólý prosesi keshiktirilgeni anyqtaldy. Bıýdjetke 50 mıllıon teńgeden asatyn jaldaý tólemderi túspegen. Iesi joq 417 páterge qatysty tıisti shara qabyldanbaǵan. Turǵyn úı berý tártibiniń buzylýy saldarynan 144 jetim bala esepke alynbaǵan. Prokýrorlyq qadaǵalaý aktilerine sáıkes uzaq ýaqyt boıy baspana kútken azamattarǵa 298 páter berildi. Onyń ishinde 82 páterdi jetim balalar aldy», deıdi Qaraǵandy oblysy prokýratýrasynyń baspasóz qyzmeti.