Múmkindigi shekteýli 8 balaǵa qaıyrymdylyq kómek kórsetildi
О́skemendegi Nazarbaev zııatkerlik mektebi men oblystyq Jastar saıasaty basqarmasy «Qysqy bal» qaıyrymdylyq sharasyn ótkizdi. Uıymdastyrýshylardyń aıtýynsha, atalǵan sharanyń negizgi maqsaty – kómekke muqtaj jandarǵa qol ushyn sozý, mıdyń sal aýrýyna shaldyqqan balalarǵa qamqorlyq kómek kórsetý.
D.Serikbaev atyndaǵy Shyǵys Qazaqstan memlekettik tehnıkalyq ýnıversıtetinde ótken qysqy balǵa hımııa-bıologııa baǵytyndaǵy Nazarbaev zııatkerlik mektebiniń 300 oqýshysy men 100 muǵalimi qatysty. Serebraldy sal aýrýyna shaldyqqan balalarǵa jurtshylyqtyń nazaryn burý maqsatynda uıymdastyrylǵan keshte dombyranyń qońyr úni kúmbirlep, áýezdi ásem ánder shyrqaldy. Keshke oblystyq fılarmonııanyń sımfonııalyq orkestri qoldaý kórsetip, álem kompozıtorlary men qazirgi zaman avtorlarynyń shyǵarmalaryn oınady.
– Qysqy qaıyrymdylyq konsertiniń qatysýshylary mádenıet pen sulýlyqty, meıirimdilik pen qamqorlyqty aldymen muqtaj jandarǵa arnaıdy. Bul – qalamyzdaǵy ıgi bastamalardyń biri. О́ıtkeni, oqýshylardyń ortaǵa salǵan óneri men kómekke zárý jandarǵa qamqorlyq tanytqan ata-analardyń arqasynda júıke júıesiniń sal aýrýyna shaldyqqan balalarǵa qoldaý kórsetildi, – dedi Nazarbaev zııatkerlik mektebiniń dırektory Baýyrjan Uzaqbaı.
Atalǵan sharada serebraldy sal aýrýyna shaldyqqan 5 jasqa deıingi 8 balaǵa jańa arba berildi. Onyń altaýy oblystyq jumyspen qamtý jáne áleýmettik baǵdarlamalardy úılestirý basqarmasynyń ókiline tapsyryldy. Basqarma mamandary arbalardy sal aýrýyna shaldyqqan balalardyń úılerine aparyp bermek. Al qalǵan eki arba balǵa deıin oblys aýmaǵynda turatyn múmkindigi shekteýli balalarǵa jiberilgen bolatyn.
Kesh barysynda demeýshilik kórsetken ata-analar, mektep qyzmetkerleri men óńirdegi shaǵyn jáne orta bıznes ókilderinen quralǵan qaıyrymdy azamattar alǵys hattarmen marapattaldy.
Dýman ANASh,
«Egemen Qazaqstan».
О́SKEMEN.