Batys Qazaqstan oblysynyń Qaztalov aýdanynda Jumysshy mamandyqtary jyly qorytyndylanyp, aýyl sharýashylyǵy qyzmetkerleri kúni atalyp ótti.
Keń kólemdi is-shara aýdan ákimdiginiń, sharýa qojalyǵy jetekshileri men kásipkerlerdiń, «Et ındýstrııasy» JShS, «Báıge» federasııasynyń qoldaýymen ótti. Taldyapan aýyldyq okrýginiń ortalyǵynda ótken merekede «Qurylysshylar aýyly», «Kásipkerler aýyly», «Sharýalar aýyly», «Qolónershiler aýyly», «Ustazdar aýyly», «Sportshylar aýyly», «О́nerpazdar aýyly» sekildi bólek-bólek otaý tigilip, kıiz úılerde ár sala ókilderi óz jetistigi men tabysyn kópshilik nazaryna usyndy, jańa bastamalar men jobalardy tanystyrdy.
Is-shara sheńberinde Jumysshy mamandyqtary jylynyń Qaztalov aýdanyndaǵy qorytyndysy shyǵarylyp, aýyl sharýashylyǵy, energetıka, gaz, sý, turǵyn úı-kommýnaldyq sharýashylyǵy salalarynda úzdik nátıje kórsetken mamandar marapattaldy.
«Halqymyzda «Eńbek – adamnyń kórki, adam – zamannyń kórki» degen qanatty sóz bar. Aýyl eńbekkerleriniń mańdaı terimen kelgen jetistikter aýdanymyzdy órkendetip otyr», dedi aýdan ákimi Aslanbek Sarqulov.
Qarasý aýyldyq okrýgindegi «Dáýken» sharýa qojalyǵynyń shopany Salaýat Esengeldın – «Úzdik shopan», Kókterek aýyldyq okrýgindegi «Berjan» sharýa qojalyǵynyń mehanızatory Rýslan Imanǵalıev – «Úzdik mehanızator», Qaztalov aýyldyq okrýginen Mánshúk Malaeva – «Úzdik kásipker», Qoshankól aýyldyq okrýgindegi «Álmyrza» sharýa qojalyǵynyń jylqyshysy Salaýat Mıtanov – «Úzdik jylqyshy», Aqpáter aýyldyq okrýginen Samat Hasanov – «Úzdik jańa tehnologııalardy qoldanýshy», Birik aýyldyq okrýginen Berik Qarabalın – «Úzdik energetıka salasynyń mamany», Jalpaqtal aýyldyq okrýgindegi «Batys-E» aýyl sharýashylyǵy óndiristik kooperatıviniń jetekshisi Ernar Ábishev – «Úzdik aýyl sharýashylyǵy óndiristik kooperatıvi», Qaraoba aýyldyq okrýgindegi «Ǵalym» sharýa qojalyǵynyń jetekshisi Abzal Ǵalymov – «Úzdik baý-baqsha egýshi», Bostandyq aýyldyq okrýginen Ǵádiljan Qospolov – «Úzdik gaz salasynyń mamany», Bolashaq aýyldyq okrýginen Erlan Dúısenbıev – «Úzdik malshy», Tereńkól aýyldyq okrýgindegi «Jalǵas» sharýa qojalyǵynyń jetekshisi Batyrbek Qaýmetov – «Úzdik asyl tuqymdy qoı sharýashylyǵy», Qaraózen aýyldyq okrýgindegi «Qanatqalı» sharýa qojalyǵynyń jetekshisi Meńdibek Ábýǵalıev – «Úzdik asyl tuqymdy iri qara mal sharýashylyǵy», Qaıyńdy aýyldyq okrýginen Marına О́teýlıeva – «Úzdik mal dárigeri», Taldyapan aýyldyq okrýginen «Et ındýstrııasy» kásiporny – «Úzdik eksporttaýshy», Taldyqudyq aýyldyq okrýginen Saılaý Ishanǵazıev – «Úzdik kommýnaldyq sharýashylyq qyzmetkeri», Jańajol aýyldyq okrýginen Darhan Bısenǵalıev «Úzdik sý sharýashylyǵynyń mamany» atanyp, estelik syılyqtarmen marapattaldy.
Is-shara barysynda aýyl sharýashylyǵy tehnıkalary men asyl tuqymdy túliktiń kórmesi uıymdastyryldy. Saltanat dástúrli dala qyzyqtaryna ulasyp, ulttyq sport oıyndarymen aıaqtaldy.
Batys Qazaqstan oblysy