18–23 qarasha aralyǵynda respýblıka aýmaǵynda jol-kólik oqıǵalarynyń aldyn alý jáne jol qaýipsizdigin arttyrý maqsatynda «Qaýipsiz jol» atty jedel-profılaktıkalyq is-shara ótkiziledi, dep habarlaıdy Egemen.kz QR IIM-ge silteme jasap.
IIM málimetinshe, bul is-sharany ótkizý qajettiligi sońǵy kezde oryn alǵan aýyr jol-kólik apattarymen, sonymen qatar qaza bolǵan adam sanynyń ósýine baılanysty.
«Osy kúnderi patrýldeý marshrýttarynyń sany jáne polısııa qyzmetkerleriniń qadaǵalaýy kóbeıtiledi, oblystyq jáne aýdandyq joldarda reıdter uıymdastyrylady, munda bıyl jol-kólik apattarynan bolatyn ólim kórsetkishi 31%-ǵa artqan. Sondaı-aq jyldamdyq rejımi, ozyp ótý jáne qarsy jolaqqa shyǵýǵa baqylaý kúsheıtiledi. Sonymen qatar, zańsyz tasymaldaýshylarǵa jáne taksılerge tekseris qatańdaıdy», delingen vedomstvo habarlamasynda.
IIM atap ótkendeı, jol ınspeksııasy kún saıyn joldyń jaı-kúıin baqylaýda ustaıdy.
«Polısııa jol qozǵalysy qatysýshylaryn jol erejelerin qatań saqtaýǵa, abaı bolýǵa jáne bir-birine qurmetpen qaraýǵa shaqyrady. Árkimniń qaýipsizdigi jol qozǵalysyna qatysýshylardyń tártiptiligi men jaýapkershiligine baılanysty», deıdi polıseıler.