Iran Islam Respýblıkasynyń Ǵylym, zertteý jáne tehnologııa mınıstrliginiń uıymdastyrýymen jýyrda Tehran qalasynda Islam álemi baspagerleriniń 1 basqosýy bolyp ótti. 32 eldiń baspagerleri bas qosqan halyqaralyq forýmǵa Iran Islam Respýblıkasynyń prezıdenti Mahmud Ahmadenıjad qatysyp, sóz sóıledi.
Eki kúndik máslıhatta “Islam álemindegi elektrondy BAQ máseleleri”, “Quran Kárimniń aýdarmalary”, “Kitap taratý júıesi jáne ekonomıkalyq alǵysharttar”, “Avtorlyq quqyq jáne aýdarma máseleleri”, “Kitaptardy ıdeıalyq jáne mádenı turǵydan saraptaý” atty bes seksııa jumys jasady. Islam álemi baspagerleri jyl saıyn Tehran qalasynda bas qosyp, aqyldasyp, keńesip otyrýǵa kelisti. Atalmysh jumystardy úılestirýshi bolyp prezıdenttiń keńesshisi, doktor Álı Zare Naǵafdarı saılandy.
Osy halyqaralyq forýmǵa qazaq baspagerleri arasynan “Arys” baspasynyń dırektory Ǵarıfolla Ánes qatysty. Ol “Quran Kárimniń” qazaq tilindegi aýdarma nusqalary” atty baıandama jasady.
“Egemen-aqparat”.