Oblystyq ekologııa departamenti baspasóz qyzmetiniń aqparatyna súıensek, zaýyt aýmaǵynda benzın tógilgen. Osyǵan baılanysty zaýytqa 4 mln 325 myń teńge aıyppul salynǵan, dep jazady Egemen.kz.
Departament mamandary Atyraý munaı óńdeý zaýytyna tekserý júrgizdi. О́ıtkeni zaýyt basshylary ýákiletti organǵa apattyq ahýaldy merziminde habarlamaǵan.
«2025 jylǵy 9 qańtarda saǵat 18:00-de zaýyttaǵy №33 sısternanyń aýmaǵynda taýarlyq benzın komponentterin aıdaý jelisinde aqaý anyqtalǵan. Tekserý kezinde jerasty qubyry arqyly munaı ónimi (benzın) tógilip, jerdiń lastanǵany anyqtaldy. Alaıda seriktestik qorshaǵan ortany qorǵaý salasyndaǵy ýákiletti organǵa avarııalyq jaǵdaıdy zańnamada kózdelgen merzimde habarlamady. Osyǵaı oraı «AMО́Z» JShS-ǵa jerdi búldirý faktisi jáne avarııalyq jaǵdaıdy zańnamada kózdelgen merzimde habarlamaǵany úshin Ákimshilik quqyq buzýshylyq týraly kodekske sáıkes 4 325 200 teńge kóleminde ákimshilik aıyppul salyndy. Aıyppul memleket paıdasyna óndirildi», dep málim etti departamenttiń baspasóz qyzmeti.