Jyl toǵysynda jergilikti «Qyzylorda» telearnasy taǵy bir jaqsy jobanyń tusaýyn kesti. О́ner ortalyǵynyń myń adamdyq zalyna jınalǵan halyq «Jyl tańdaýy – 2025» atty keshte 15 atalym boıynsha ár saladan short-paraqqa ilingen tańdaýlylarǵa qurmet kórsetti.
Halyqtyń daýys berýi arqyly iriktelgen úzdikter – qarapaıym jandar. Biri qala tazalyǵyna úles qossa, endi biri densaýlyq salasynda eńbek etetin maman. Sahnaǵa shyqqan tańdaýlylar qatarynda baǵban da, muǵalim de, jańalyqty jurtqa der kezinde jetkizetin jýrnalıst te bar. Telearnadaǵy áriptesterimiz ázirlegen jańa jobada janymyzda júrgen eńbek adamdaryna qurmet bildirý degen oı jatyr.
«Úzdik úkimettik emes uıym» atalymynda úzdik dep tanylǵan «Ulaǵatty analar keńesi» ÚEU músheleri, «Jyldyń eńbek adamy» retinde jasy seksennen assa da qala irgesinde 8 gektar alqapty ormanǵa aınaldyrǵan baǵban Bektaı Súleımenov, «Jyl blogeri» bolyp áleýmettik jelide dárigerler qyzmetin nasıhattaıtyn kishkentaı Medına Rýslanbek sahnaǵa shyqqanda, el qoshemeti erekshe boldy.
Keler jyly «Qyzylorda» telearnasynyń ashylǵanyna 35 jyl tolady. Táýelsizdikpen birge túlegen ujymnyń alǵashqy basshysy belgili jýrnalıst Jaqsylyq Bekqojaev bolǵan edi. Arna ujymy búginde umytyla bastaǵan osyndaı qadirli jannyń, talaı talantty tolqyndy tárbıelegen qalamgerdiń esimin jańǵyrtýdyń joralǵysyn jasady.
Telearna dırektory Nurbek Ámısha «Qudaıy qonaq» atty jobasynyń keıipkerleri, qol ustasqan qyryq jylda taǵdyrdyń talaı synaǵyn birge jeńgen erli-zaıyptylar Marat pen Qalamqasqa Jaqsylyq Bekqojaev atyndaǵy syılyqty tabystady.
QYZYLORDA