Búgin elimizdiń basym bóliginde tuman men kóktaıǵaq kútiledi. «Qazgıdromet» boljamyna sáıkes, soltústik jáne batys aımaqtarynda aýa temperatýrasynyń kúrt tómendeýi baıqalady, dep habarlaıdy Egemen.kz.
Astanada kún bultty bolyp, qar jaýady. Jeldiń jyldamdyǵy 9-14 m/s, al keı ýaqyttarda ekpini 15-20 m/s-qa deıin kúsheıedi. Aýa temperatýrasy túnde de, kúndiz de -4...-6°C shamasynda bolady, biraq kún sońyna qaraı termometr baǵany odan ári tómendeı túspek.
Qaraǵandyda da kún ala bultty, qar jaýady, jeldiń ekpini 15-18 m/s jetedi. Túnde -4...-6°C, kúndiz -2...-4°C bolady.
Jezqazǵanda ala bultty aýa raıy men qar kútiledi, jel 6-11 m/s, temperatýra túnde -2...-4°C, kúndiz 0...-2°C.
Almatyda kún ala bultty, biraq jaýyn-shashynsyz bolady. Jel 3-8 m/s. Túnde -2...-4°C bolsa, kúndiz +3...+5°C jylylyq saqtalady.
Shymkentte de jaýyn-shashyn kútilmeıdi, túnde -2…-4°C, kúndiz aýa +6...+8°C-qa deıin jylynady.
Túrkistanda jel 8-13 m/s, temperatýra túnde -2…-4°C, kúndiz +6...+8°C.
Tarazda jeldiń jyldamdyǵy 9-14 m/s, túnde -2…-4°C, kúndiz +5...+7°C.
Qyzylordada jańbyr aralas qar jaýyp, kúndiz +3...+5°C jyly bolady.
Qonaev pen Taldyqorǵanda jaýyn-shashynsyz, kúndiz +1...+5°C aralyǵynda jylylyq baıqalady.
Petropavlda qar jaýyp, boran soǵady, jel 15-20 m/s. Temperatýra -17...-19°C-tan bastap, odan ári tómendeı beredi.
Kókshetaýda qar jaýyp, aýa raıy -6...-8°C-tan ary qaraı sýytady.
Qostanaıda kún bultty, aıaz -20...-22°C-qa jetedi. Pavlodarda qar jaýady, temperatýra -3...-5°C. Semeı men О́skemende de qar men jel kútiledi (ekpini 15-20 m/s), temperatýra kúndiz -3...-5°C tóńireginde.
Aqtóbede túnde -23…-25°C, kúndiz -20...-22°C. Oralda túnde -23…-25°C bolyp, kúndiz -14...-16°C-qa deıin jylynady. Atyraýda temperatýra -8…-10°C deńgeıinde bolsa, Aqtaýda jańbyr aralas qar jaýyp, jel 20 m/s-qa deıin kúsheıedi, kúndiz +4...+6°C bolady.