Qytaı astanasy Beıjińde gýmanoıdty robottardy daıarlaýǵa arnalǵan eldegi eń iri ortalyq jumysyn bastady. Bul keshen «robottar mektebi» dep atalady.
Munda mashınalar óndiris oryndary men turmystyq ortaǵa jiberiler aldynda keshendi daıyndyqtan ótedi. Ortalyqta zaýyt sehtary men turǵyn úı keńistikterine uqsas zerthanalar jasalǵan. Osyndaı ortada robottar kúndelikti jáne óndiristik mindetterdi oryndaýdy úırenedi. Atap aıtqanda, olarǵa sálemdemelerdi suryptaý, zattardy tasymaldaý, tamaq pisirý sııaqty tapsyrmalar beriledi. Jobanyń maqsaty – gýmanoıdty robottardy ónerkásipke de, turmystyq keńistikke de jappaı engizý.