Prezıdenttiń kómekshisi – Baspasóz hatshysy Rýslan Jeldibaı Memleket basshysynyń elimizdi iri tranzıt habyna aınaldyrý jónindegi tapsyrmasynyń oryndalý barysy týraly aıtty, dep habarlaıdy Egemen.kz.
2025 jyly elimizde buryn-sońdy bolmaǵan aýqymda – 13 myń shaqyrym avtokólik jolyn salý jáne jóndeý jumystary bastaldy. Jańa joldardyń uzyndyǵy – 1,9 myń shaqyrym. Jobalardyń qatarynda Ortalyq – Batys avtomagıstraly, Qaraǵandy – Jezqazǵan, Aqtóbe – Ulǵaısyn jáne Atyraý – Dossor sııaqty mańyzdy kúrejoldar bar.
Áýe keńistigi men jańa reıster Avıasııa salasynda Zaısan, Qatonqaraǵaı jáne Kendirlide úsh jańa áýejaı salynyp jatyr, al Arqalyq áýejaıy qalpyna keltirilýde. Sonymen qatar: Áýe arqyly júk tasymaldaıtyn alǵashqy ulttyq kompanııa qurylady. 2025 jyly naryqqa jańa avıakompanııalar keldi. Shanhaı, Gýanchjoý jáne Mıýnhenge tuńǵysh ret tikeleı reıster ashylyp, jalpy 35-ten astam jańa baǵdar iske qosyldy. Temirjol jelilerin keńeıtý Qazirgi ýaqytta Qyzyljar – Moıynty (ekinshi jol), Almaty aınalma joly, Darbaza – Maqtaaral jáne Baqty – Aıagóz temirjol jelileriniń qurylysy jalǵasýda. Buǵan qosa, respýblıka boıynsha 124 vokzal jańǵyrtylyp, kúrdeli jóndeýden ótip jatyr.