Tennısshilerdiń jańartylǵan álemdik reıtınginde Qazaqstannyń ókilderi arasynda eń úzdik nátıje Elena Rybakınaǵa tıesili, dep habarlaıdy Egemen.kz.
Byltyrǵy jyldyń sońynda WTA-nyń qorytyndy týrnırinde top jarǵan Rybakına besinshi oryndy oljalady. Onyń aldyn tek belarýstik Arına Sobolenko, polshalyq Iga Shvıontek, amerıkalyq Amanda Anısımova men Korı Gaýff orap tur. Elimizdiń ekinshi raketkasy Iýlııa Pýtınseva 74 oryndy ıelendi. Al Zarına Dıas 281 jáne Jibek Qulambaeva 380 satyǵa taban tiredi.
Erler arasynda ıspanııalyq Karlos Alkaras alda keledi. Onyń ókshelep kele jatqandar qatarynda ıtalııalyq Iаnnık Sınner, germanııalyq Aleksandr Zverev, serbııalyq Novak Djokovıch jáne aýstralııalyq Aleks de Mınýar syndy sańlaqtar bar. Qazaqstannyń eń úzdik oıynshysy Aleksandr Býblık 11 oryndy ıelenip otyr. Aleksandr Shevchenko – 106, Dmıtrıı Popko – 221, Tımofeı Skatov – 235, Beıbit Juqaev – 277, Mıhaıl Kýkýshkın – 313, Dmıtrıı Evseev – 382, Ámir Omarhanov – 826 jáne Georgıı Lomakın – 914 satyǵa jaıǵasty.