Biryńǵaı jınaqtaýshy zeınetaqy qorynyń osy jylǵy 1 qańtardaǵy dereginshe, 2024 jylǵy 1 aqpannan bastap «Ulttyq qordan» túsken qarjyny alý ótinishi boıynsha 31,61 mıllıon AQSh dollarynan astam qarajat ýákiletti operatorlarǵa aýdarylǵan, dep jazady Egemen.kz.
Al olar óz kezeginde qarajatty 18 jasqa tolǵan ótinish berýshi azamattardyń banktik shottaryna aýdarady.
Onyń ishinde turǵyn úı jaǵdaıyn jaqsartý maqsatynda 19,69 mln AQSh dollaryna – 127 445 ótinish, bilim berý aqysyn tóleý úshin 11,92 mln AQSh dollaryna – 78 060 ótinish oryndalǵan.
Jınaq ıesi esep shotyndaǵy qarjynyń bir bóligin nemese tolyq paıdalanýǵa quqyly. Al paıdalanylǵan soma esepshotynda qala beredi.
Turǵyn úıdi jaqsartýǵa arnalǵan qarajatty paıdalaný baǵytynda azamattardyń basym bóligi odan ári jınaqtaý úshin turǵyn úı qurylysy jınaqtaryndaǵy salymdy tolyqtyrǵan (19,27 mln AQSh dollaryna 124 490 ótinish oryndaldy). Turǵyn úı satyp alýǵa ıpotekalyq turǵyn úı qaryzyn alý úshin bastapqy jarnany engizý boıynsha 145,39 myń AQSh dollaryna – 999 ótinish, azamattyq-quqyqtyq mámileler boıynsha menshikke turǵyn úı satyp alý boıynsha (túpkilikti esep aıyrysý) – 108,64 myń AQSh dollaryna 757 ótinish oryndalǵan.
Eki jylda 28 mln dollar ıgerildi: Azamattar Ulttyq qor qarajatyn qalaı jumsap jatyr?
Bilim berý aqysyn tóleý sheńberinde jınaq ıeleriniń basym bóligi elimizde ornalasqan oqý oryndarynyń bilim berý qyzmetterine úlestermen (árbir akademııalyq kezeń nemese oqý jyly úshin) nemese tolyq kólemde bir mezgilde (búkil oqý merzimi úshin) aqy tóleýge jumsaǵan (11,03 mln AQSh dollaryna 71 025 ótinish oryndaldy), bilim berýge jınaqtaý salymyn tolyqtyrý boıynsha 608,47 myń AQSh dollaryna – 4 933 ótinish oryndalǵan. Sheteldik bilim berý uıymdarynyń bilim berý qyzmetterine úlestermen (árbir akademııalyq kezeń nemese oqý jyly úshin) nemese tolyq kólemde birjolǵy (búkil oqý merzimi úshin) aqy tóleýge 1 706 ótinish berýshi 228,32 myń AQSh dollaryn jumsaǵan.
Al ótken jyldyń ınvestısııalyq kiris tabysy 18 jasqa deıingi azamattarǵa 2026 jyldyń 1 aqpanynan keshiktirilmeı aýdarylady.
Bul rette 2008 jyly týǵan, 2026 jyly 18 jasqa tolatyn otandastarymyzdyń nysanaly jınaqtaý shottaryna da qarjy aýdarylady.
Ulttyq qordyń bıylǵy ınvestısııalyq kirisi belgili boldy
Aıta keteıik, «Ulttyq qor – balalarǵa» baǵdarlamasy boıynsha turaqty túrde jasalatyn esepter enpf.kz saıtynda jarııalanady.
«kids.enpf.kz saıtynda jáne BJZQ/ENPF YouTube-arnasynda Baǵdarlamanyń sharttarymen tanysyp, qajetti nusqaýlyqtar alyp, ózińizdi qyzyqtyratyn suraqtaryńyzǵa jaýap ala alasyz. Sondaı-aq, «Ulttyq qor – balalarǵa» baǵdarlamasyn iske asyrý, bala kámeletke tolǵanǵa deıin jáne odan keıingi is-qımyl algorıtmi týraly beıne nusqaýlyqty BJZQ/ENPF YouTube-arnasynda https://www.youtube.com/watch?v=a9L8N4Q28OM siltemesi boıynsha kórýge bolady», delingen Biryńǵaı jınaqtaýshy zeınetaqy qory baspasóz qyzmeti taratqan habarlamada.
Eske salaıyq, «Ulttyq qor – balalarǵa» baǵdarlamasy aıasynda 2024 jyl kórsetkishi boıynsha 7 mıllıonǵa jýyq balanyń esepshotyna aqsha aýdarylǵan.