Astana qalasynda aýa raıynyń nasharlaýyna baılanysty 16 qańtar kúni ekinshi aýysymda oqıtyn 0-9 synyp oqýshylary qashyqtan oqytý formatyna aýystyryldy, dep habarlaıdy Egemen.kz.
Bul týraly elordanyń bilim basqarmasy málimdedi.
«Aýa raıy jaǵdaıynyń nasharlaýyna baılanysty 16 qańtarda ekinshi aýysymdaǵy 0-9 synyp oqýshylary qashyqtan oqý formatyna kóshedi», delingen habarlamada.
Buǵan deıin sınoptıkter Astanada 16 qańtar kúni aýa temperatýrasy -42 °C-qa deıin tómendeıtini týraly habarlaǵan edi.
Sonymen qatar búgin aýa temperatýrasynyń kúrt tómendeýine baılanysty Qostanaı oblysynyń qalalary men aýdandarynda birinshi aýysymda oqıtyn oqýshylar qashyqtan oqytý formatyna aýystyryldy.