Qazaqstan quramasynyń oıynshysy Islam Chesnokov Shotlandııanyń «Harts» klýby sapyndaǵy alǵashqy matchyn Shotlandııa kýbogy aıasynda ótkizip, nátıjeli ónerimen kózge tústi, dep habarlaıdy Egemen.kz.
Shotlandııa kýbogynyń 1/16 fınalynda «Harts» «Folkırkpen» kezdesken. Oıyn barysynda Islam Chesnokov 77-mınýtta alańǵa qosalqy quramnan shyqty.
85-mınýtta fýtbolshy qarsylas qaqpasyna qaraı shabýyl kezinde penaltı soǵylýyna sebepker boldy. Osy penaltıdiń arqasynda «Harts» esepti teńestirip, negizgi ýaqyt 1:1 nátıjesimen aıaqtaldy.
«Ertis» fýtbol klýbyna jańa bas bapker taǵaıyndaldy
Qosymsha ýaqytta jeńimpaz anyqtalmady. Al penaltı serııasynda «Folkırk» oıynshylary 5:4 esebimen basym túsip, kelesi kezeńge ótti.
Eske salsaq, 26 jastaǵy Islam Chesnokovtyń «Hartsqa» aýysqany 7 qańtarda resmı túrde jarııalanǵan. Buǵan deıingi matchtarda onyń debıýti kútilgenimen, komanda oıyny qıyn ótip, bir oıyn kezinde oıynshylardyń biri alańnan qýylǵannan keıin «Harts» esepti saqtaýǵa májbúr bolǵan. Sol sebepti Chesnokov sol kezdesýde qosalqy quramda qalǵan edi.
«Oqjetpes» fýtbol klýbyna jańa bapker taǵaıyndaldy