Osy kúnderi aýyldyq jerde ashylyp jatqan mádenı oshaqtar qatary az emes. Endi sonda jumys isteıtin azamattar qyzmetine, olardyń mártebesine qatysty kóptegen máselege nazar aýdarǵanymyz jón.
Mádenı ǵımarat salýdan bólek onyń ishki mazmunyn qalyptastyrý bar. Ol degenimiz – úıirmeler jumysy, osy úıirmelerde jumys isteı alatyn mamandar deńgeıi, aýyl kitaphanasynyń jańa kitaptarmen qamtylýy. Ulttyq quryltaıdyń seksııalyq otyrysynda osy baǵytta usynys aıttyq. Aýyl mádenıetiniń mańyzyn, ondaǵy qyzmetkerler jumysyn jetildirý árdaıym nazarda turý kerek dep oılaımyn.
Jalpy alǵanda, quryltaı qoǵamdaǵy kóp máseleniń sheshimin taýyp, el ıgiligine jumys isteýine jol ashty. Syr jerindegi besinshi basqosýdan da jaqsy bastamalar kútemiz.
Maksım ROJIN,
Májilis depýtaty