Energetıka mınıstrligi eldiń gıdroenergetıkalyq áleýetiniń biryńǵaı sıfrlyq kartasyn qalyptastyrý boıynsha jumysty bastap, ony ulttyq deńgeıdegi sıfrlyq platformaǵa ıntegrasııalaýdy qolǵa aldy. Bul týraly vedomstvo basshysy Erlan Aqkenjenov Úkimet otyrysynda málimdedi, dep habarlaıdy Egemen.kz.
Mınıstrdiń aıtýynsha, eldiń sý-energetıkalyq resýrstary kartasyn ázirleý máselesi boıynsha jumys Qaýipsizdik keńesiniń qorytyndysymen berilgen hattamalyq tapsyrmalardy oryndaý aıasynda bastalǵan.
Erlan Aqkenjenov: Energetıka salasyn jańǵyrtý – strategııalyq mindet
«Platforma gıdrologııalyq, jer bederi, ınfraqurylymdyq jáne quqyqtyq derekterdi biriktiredi. Bul óz kezeginde ońtaıly jobalyq sheshimder qabyldaýǵa, bolashaq stansııalardyń parametrlerin esepteýge jáne jobalaýǵa deıingi daıyndyq merzimin qysqartýǵa múmkindik beredi», dedi Erlan Aqkenjenov.
Aıta keteıik, Memleket basshysy Qasym-Jomart Toqaev Ulttyq quryltaıda AES-tiń aıaqtalǵanyn kútpeı jańa energııa kózderin iske qosý kerek ekenin aıtty.