Adamnyń qabileti men múmkindigi ǵalamat. Oǵan dálel – amerıkalyq alpınıst Aleks Honnold. Ol Taıvandaǵy eń bıik «Taipei 101» ǵımaratyna qaýipsizdik arqanynsyz órmelep shyqty.
Alqynbaıtyn alpınıst bıiktigi 508 metr bolatyn 101 qabatty záýlim nysandy 91 mınýtta baǵyndyrǵan. Onyń kóterilý sátin myńdaǵan kórermen tamashalap, oqıǵa Netflix platformasy arqyly tikeleı efırde kórsetildi. Bul áreketke ǵımarat ákimshiligi men qala bıligi aldyn ala ruqsat bergen. Aıta keteıik, «Taipei 101» ǵımaraty 2004–2010 jyldary álemdegi eń bıik ǵımarat sanalyp keldi. Qazir bul ataq Dýbaıdaǵy «Býrdj Halıfaǵa» tıesili.