Ońtústik Koreıanyń Inchhon qalasynda álemdegi eń alyp mural bar. «Guinness World Records» dereginshe, port aýmaǵyndaǵy óndiristik nysandardyń syrtyna salynǵan bul sýrettiń jalpy kólemi – 23 688,7 sharshy metr.
Rekord 2018 jyly 20 qyrkúıekte resmı tirkelgen. Jobany Inchhon qalasynyń ónerkásipti ilgeriletý bólimshesi, Inchhon port ákimshiligi jáne seriktes uıymdar birlesip júzege asyrǵan. Bul – kádimgi galereıaǵa ilinetin shaǵyn kartına emes, ǵımarattyń syrtqy qabyrǵasyna salynatyn alyp sýret. Osylaısha, Inchhondaǵy surqaı kórinetin nysandar alystan-aq kóz tartatyn kórkem keńistikke aınalǵan. Bul rekord bir jaǵynan ónerdiń mýzeıde ǵana emes, kúndelikti ómirde de adamdarǵa qýanysh syılaı alatynyn dáleldedi.