Jalpyulttyq sosıal-demokratııalyq partııanyń (JSDP) Ortalyq apparatynda Konstıtýsııasynyń jańa jobasyn talqylaýǵa arnalǵan JSDP Saıası keńesiniń otyrysy ótti. Otyrys barysynda qatysýshylar Konstıtýsııaǵa engiziletin ózgerister men ondaǵy usynylǵan túrli jobalardyń eldi damytýǵa degen múmkindigi barysyn saralady. Sondaı-aq, saıası júıeniń qoǵam men memleket arasyndaǵy yntymaǵy men jańartýdaǵy mańyzdy kezeńderdi qarastyrdy, dep habarlaıdy Egemen.kz.
Saıası keńes músheleri Ata zańdy talqylaý qoǵamnyń jańarýǵa jáne Qazaqstannyń qazirgi damý kezeńine saı turaqty sheshimder men múmkindikterdi izdeýge degen suranysyn joǵarylatqanyn atap ótti.
Sonymen birge talqylaýǵa arnalǵan otyrys kezinde usynylyp otyrǵan konstıtýsııalyq ózgeristerdiń logıkasy, memlekettik saıasattyń áleýmettik baǵytyn kúsheıtýge, memleket pen qoǵam arasyndaǵy kelisimniń joǵarylyǵy týraly aıtyldy. Jıynǵa qatysýshylar Konstıtýsııada bekitiletin normalar áleýmettik salada, eńbek qatynastarynda jáne azamattardyń ómir sapasyn arttyrý naqty iske asyrýǵa tıis jumystar ekenin atap ótti.
Reformanyń ınstıtýsıonaldy qyrlaryna da erekshe nazar aýdaryldy. Qatysýshylar bılik tarmaqtary arasyndaǵy ózara is-qımyldyń turaqty modelin qalyptastyrýdyń mańyzyna toqtalyp, ókiletti organdardyń rólin kúsheıtý jáne memlekettik ınstıtýttarda qabyldanatyn sheshimderge degen jaýapkershilikteri joǵary bolýy qajet ekenin talqyǵa saldy.
«Aýyl» fraksııasynyń depýtattary Ata zań jobasyn biraýyzdan qoldady
Sonymen qatar jańa Konstıtýsııa jobasyn ázirleý formatynyń ózi mazmundy qoǵamdyq júıeniń saraptamalyq dıalogqa múmkindik beretini mańyzdy ekeni aıtyldy. JSDP Saıası keńesiniń pikirinshe, mundaı tásil ártúrli kózqarastar men óńirlik tájirıbege súıengen baıypty ári uzaq merzimdi sheshimder qabyldaýǵa jol ashady.
Otyrys qorytyndysy boıynsha JSDP Saıası keńesi konstıtýsııalyq reformanyń negizgi baǵyttary boıynsha ortaq ustanym qalyptastyryp, bolashaqta talqylaýǵa túrli usynystardy saraptamalyq turǵyda pysyqtaý úshin belsendilik tanytýǵa daıyn ekenin bildirdi.
Otyrys iskerlik jáne konstrýktıvti jaǵdaıda ótti. Bul JSDP-nyń saıası áleýetiniń turaqty ári kez kelgen iske jaýapkershilikpen qatysýǵa daıyn ekendigin kórsetedi. Áleýmettik baǵyttaǵy, quqyqtyq memleketti damytýǵa nıetti JSDP taǵy bir márte óziniń ustanymyn ashyq ári shynaıy kórsetti.
Adamı kapıtal – memlekettiń basty baılyǵy: AMANAT fraksııasy Jańa Konstıtýsııa jobasyn talqylady