Májiliste ótken «AMANAT» partııasy fraksııasynyń otyrysynda depýtat Janarbek Áshimjanov Halyq Keńesi Konstıtýsııalyq reformalardyń eń mańyzdy ınstıtýttarynyń biri ekenin jáne qoǵam men bılik arasyndaǵy senimdi nyǵaıtýda sheshýshi ról atqaratynyn atap ótti, dep habarlaıdy Egemen.kz.
Onyń aıtýynsha, bul tek saıası qurylym ǵana emes, sonymen qatar qoǵamdyq kelisimdi qalyptastyrýdyń jáne ulttyq múddelerdi qorǵaýdyń tıimdi tetigi.
Ol óz sózinde Halyq Keńesiniń etnosaralyq birlikti nyǵaıtý men qoǵamdyq kelisimdi qamtamasyz etýdegi róline erekshe toqtaldy.
«Halyq Keńesi – bul jaı ǵana formaldy keńesshi organ emes, ol Úkimet baǵdarlamalaryna, zań jobalarynyń tujyrymdamalaryna jáne óńirlik damý josparlaryna naqty yqpal etetin tiri mehanızm. Keńes etnomádenı birlestikterdi, azamattyq qoǵam ókilderin, sarapshylar men belsendi azamattardy biriktirip, táýekelderdi erte kezeńde anyqtaýǵa, jergilikti deńgeıdegi qaqtyǵystardyń aldyn alýǵa jáne birtutas qazaqstandyq biregeılikti nyǵaıtýǵa qyzmet etedi. Halyq Keńesi ıdeıalardy talqylap qana qoımaı, naqty sheshimderge áser ete alatyn, memlekettik saıasat pen qoǵam múddeleriniń úılesimdiligin qamtamasyz etetin qural bolýy tıis», dep atap ótti depýtat.
Osydan keıin Janarbek Áshimjanov Halyq Keńesiniń óńirler úshin praktıkalyq mańyzyna nazar aýdardy. Onyń aıtýynsha, jol, aýyz sý, jumyspen qamtý, ekologııa jáne áleýmettik ınfraqurylym máseleleriniń ýaqytyly sheshilýi azamattardyń bılikke degen senimine tikeleı áser etedi.
Qazaqstan Halyq partııasynyń fraksııasy eldegi konstıtýsııalyq reformany qoldady
Sondaı-aq ol Halyq Keńesiniń tıimdi jumysy arqyly ǵana usynystar naqty zań jobalary men depýtattyq bastamalarǵa aınalyp, halyqtyń turmys sapasyn jaqsarta alatynyn atap ótti.
Ashat Raqymjanov: Konstıtýsııa – normalar týraly áńgime emes
Sóz sońynda depýtat Halyq Keńesin ishki turaqtylyqty, ulttyq birlikti jáne azamattardyń memlekettik ınstıtýttarǵa degen senimin nyǵaıtýǵa baǵyttalǵan Konstıtýsııalyq reformalardyń qoǵamdyq jalǵasy retinde sıpattady.