Senat Tóraǵasy Qasym-Jomart Toqaev NATO Parlamenttik Assambleıasy Qaýipsizdiktiń azamattyq ólshemi jónindegi komıtetiniń tóraǵasy Vıtalıno Kanash bastaǵan delegasııasymen kezdesti. NATO PA delegasııasynyń quramynda Portýgalııa, Fransııa, Polsha, Ulybrıtanııa, Grekııa, Italııa jáne Latvııa depýtattary bar, dep habarlady Senattyń baspasóz qyzmeti.
Kezdesýdi ashqan Q.Toqaev Qazaqstan aımaqtyq qaýipsizdikti qamtamasyz etý turǵysynda NATO-men yntymaqtastyqqa zor mán beredi, dep atap ótti. Tóraǵa Qazaqstan Parlamenti NATO Parlamenttik Assambleıa qyzmetine baıqaýshy retinde qatysatynyn jáne onyń jyl saıynǵy sessııasyna turaqty túrde qatysyp kele jatqanyna toqtaldy. Ol, sondaı-aq 2009 jyly Astanada NATO PA-men birlese otyryp, Eýroatlantıkalyq qaýipsizdik, oǵan qosa Aýǵanstan jáne Ortalyq Azııadaǵy qaýipsizdik máseleleri jónindegi Roýz-Rot semınary tabysty ótkenin eske saldy.
Q.Toqaev Prezıdent N.Nazarbaevtyń elimizdi jan-jaqty jańǵyrtýǵa baǵyttalǵan bes ınstıtýttyq reformasy, sondaı-aq, qazaqstandyq parlamentarızmniń damýy men Senat qyzmeti týraly aıtty.
О́z kezeginde V.Kanash Qazaqstan NATO PA-nyń Ortalyq Azııadaǵy eń jaqyn áriptesi ekenin, sondyqtan uıym qazaqstandyq parlamentshilermen baılanysty odan ári nyǵaıtýǵa nıettenip otyrǵanyn atap ótti. Fransýz senatory Joel Garrıo-Meılam Fransııa Senaty Tóraǵasynyń sálemin jetkizip, beıbitshilikti nyǵaıtý jolynda parlamentaralyq únqatysý men parlamenttik dıplomatııanyń mańyzy týraly pikir bildirdi. Ol aýmaqtyq turaqtylyq pen qaýipsizdikti qamtamasyz etýge arnalǵan Qazaqstannyń kúsh-jigerin joǵary baǵalady. Fransııanyń taǵy bir depýtaty Jan-Mıshel Vııom Eýropa men Azııa arasyndaǵy kópir retindegi jáne Ýkraınadaǵy shıelenisken jaǵdaıdy retteýdegi Qazaqstannyń rólin erekshe bólip aıtty.
Kezdesý barysynda Eýropadaǵy bosqyndar, terrorızmmen jáne ekstremızmmen kúres, halyqaralyq parlamenttik uıymdar máseleleri boıynsha pikir almasyldy.