Kún jylynyp, jańbyr jaýsa Talǵar aýdany Besaǵash aýylyndaǵy turǵyndardan maza ketedi. Sebebi, taýǵa jaqyn ornalasqan úılerge topyraqtyń shamadan tys ylǵaldanýy nátıjesinde jyljyp ketý qaýpi tónedi, dep jazady Egemen.kz.
Taıaýda kólemi shamamen 150 tekshe metrdi quraıtyn topyraq jyljyp, betondy tireý qabyrǵasy bar qorǵanysh qorshaýdan asyp túsken. Saldarynan 2 úıdiń kireberisi men 1 kólikke zaqym keldi. Oqıǵa bolǵan kúnnen bastap tıisti mekemlerden on shaqty maman jáne 6 tehnıka tartylyp, tazalaý jumystaryn júrgizip jatyr.
«Jaǵdaı baqylaýda. Qaýipsizdikti qamtamasyz etý jáne aýmaqty jaryqtandyrý úshin jaryq munarasy ornatyldy. Jaqyn mańdaǵy úılerdiń turǵyndary men qaýipsizdik sharalaryn saqtaý jáne qaıtalanýy yqtımal tabıǵı qubylystar kezinde áreket etý boıynsha profılaktıkalyq túsindirý jumystary júrgizildi», deıdi Talǵar aýdany Tótenshe jaǵdaılar bólimi basshysynyń mindetin ýaqytsha atqarýshy Erkebulan Tergeýsizov.
Dese de taý bókterinde turatyn turǵyndardyń sózinshe, mundaı tosyn oqıǵalardyń bolýy alǵash ret emes.
Eske sala keteıik, Qonaev qalasynda jyldamdyǵy sekýndyna 27 metr boran soǵyp, turǵyn úılerdiń shatyry ushyp, ınjenerlik jeliler zaqymdanǵan.
Almaty oblysy,
Talǵar aýdany