«Qazgıdromet» 11 aqpanǵa arnalǵan Qazaqstan aýmaǵyndaǵy aýa raıy qubylystarynyń boljamyn jarııalady, dep habarlaıdy Egemen.kz.
Batys sıklony Qazaqstan aýmaǵynyń basym bóliginde turaqsyz aýa raıyn saqtaıdy. Jaýyn-shashyn kútiledi. Respýblıka boıynsha boran, kóktaıǵaq, tuman, jeldiń kúsheıýi boljanady.
Batys óńirlerde, ońtústikte, Abaı oblysynyń ortalyǵynda, Shyǵys Qazaqstan oblysynyń batysynda, soltústiginde jáne shyǵysynda, Jetisý oblysyndaǵy Alakól kólderi aýdanynda, sondaı-aq túnde Túrkistan oblysynyń taýly asýlarynda jeldiń jyldamdyǵy sekýndyna 30 metr jáne odan da joǵary bolýy múmkin.
Buǵan deıin Qazaqstannyń barlyq aýmaǵynda aýa raıyna baılanysty eskertý jarııalanǵan bolatyn.